آسٹریلوی کرکٹر کوکرکٹ فیلڈ میں ہی شادی کی پیشکش

اسپورٹس ڈیسک  منگل 22 اکتوبر 2019
22 سالہ امینڈا نے 2016 میں آسٹریلیا کیلیے ڈیبیو کیا

22 سالہ امینڈا نے 2016 میں آسٹریلیا کیلیے ڈیبیو کیا

ایڈیلیڈ:  آسٹریلوی کرکٹر امینڈا جیڈ ویلنگٹن کو ان کے دوست نے کرکٹ فیلڈ میں ہی شادی کی پیشکش کردی۔

ویمنز بگ بیش میں میلبورن رینیگیڈز سے میچ میں فتح کے بعد ایڈیلیڈ اسٹرائیکرز کی امینڈا ساتھی پلیئرز کے ہمراہ جشن منارہی تھیں، ایسے میں ان کے دوست ٹیلر میک کیچنی فیلڈ میں داخل ہوئے اور قریب پہنچ کر ایک گھٹنے کے بل بیٹھتے ہوئے شادی کی پیشکش کردی۔ جس پر امینڈا نے ’یس‘ کہا۔

اس موقع پر قریب موجود ساتھی کھلاڑیوں نے انھیں مبارکباد دی۔ 22 سالہ امینڈا نے 2016 میں آسٹریلیا کیلیے ڈیبیو کیا اور اب تک  8 ٹی 20، 12 ون ڈے اور ایک ٹیسٹ کھیل چکی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔