والدین کے نام لکھا خط پڑھ کر ماہرہ خان جذباتی ہوگئیں

ویب ڈیسک  جمعـء 8 نومبر 2019
میری کامیابی پر میری والدہ رو رہی تھیں جب کہ والد خوشی سے مسکرا رہے تھے، ماہر خان۔ فوٹو: فائل

میری کامیابی پر میری والدہ رو رہی تھیں جب کہ والد خوشی سے مسکرا رہے تھے، ماہر خان۔ فوٹو: فائل

 کراچی: اقوام متحدہ کے ہائی کمیشن برائے مہاجرین کی جانب سے والدین کے نام لکھا جانے والا خط پڑھ کر ماہرہ خان جذبات پر قابو نہ رکھ سکیں۔

اداکارہ ماہرہ خان نے سماجی رابطے کی ویب سائٹ انسٹا گرام پر اقوام متحدہ کے ہائی کمیشن برائے مہاجرین کی جانب سے والدین کے نام لکھا خط شیئر کیا اور ساتھ ہی انہوں نے یہ بھی کہا کہ مجھے والدین کے نام لکھا خوبصورت خط موصول ہوا ہے، مجھے یہ بتانے کی ضرورت نہیں کہ اس خط نے مجھے جذباتی کر دیا ہے کیوں کہ اس کامیابی پر میری والدہ رو رہی تھیں جب کہ والد خوشی سے مسکرا رہے تھے۔

ماہرہ خان نے یہ بھی کہا کہ مجھے اُمید ہے اور دعا ہے جو ذمہ داریاں اس ملک اور میرے مداحوں نے مجھے دی ہیں، میں اسے بخوبی اور احسن طریقے سے نبھا سکوں۔

یہ خبر بھی پڑھیں: ماہرہ خان اقوام متحدہ کی خیر سگالی سفیر مقرر

واضح رہے کہ کچھ روز قبل اقوام متحدہ کے ہائی کمیشن برائے مہاجرین کی جانب سے ماہرہ خان کو خیر سگالی سفیر مقرر کیا گیا تھا جس پر اداکارہ نے کہا تھا کہ پاکستانی عوام نے افغان مہاجرین کو کھلے دل سے خوش آمدید کہا، یہی وجہ ہے کہ پاکستان 4 دہائیوں سے 40 لاکھ افغان مہاجرین کی مدد کر رہا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔