- قطر نے 12 سال کی فاتح سنگاپورسے دنیا کے بہترین ایئرپورٹ کا اعزاز چھین لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
- ایل ڈی اے نے 25 ہاﺅسنگ سوسائٹیوں کے پرمٹ اور مجوزہ لے آﺅٹ پلان منسوخ کردیے
- امریکا نے اقوام متحدہ میں فلسطین کی مستقل رکنیت کی قرارداد ویٹو کردی
- وزیراعظم کا اسمگلنگ کے خاتمے کے لیے ملک گیر مہم تیز کرنے کا حکم
- جی-7 وزرائے خارجہ کا اجلاس؛ غزہ میں جنگ بندی کا مطالبہ
- پنڈی اسٹیڈیم میں بارش؛ بھارت نے چیمپیئنز ٹرافی کی میزبانی پر سوال اٹھادیا
- اس سال ہم بھی حج کی نگرانی کرینگے شکایت ملی تو حکام کو نہیں چھوڑیں گے، اسلام آباد ہائیکورٹ
- بشریٰ بی بی کو کھانے میں ٹائلٹ کلینر ملا کر دیا گیا، عمران خان
- عمران خان اور بشریٰ بی بی کی درخواستیں منظور، طبی معائنہ کروانے کا حکم
- حملے میں کوئی نقصان نہیں ہوا، تمام ڈرونز مار گرائے؛ ایران
- 25 برس مکمل، علیم ڈار دنیائے کرکٹ کے پہلے امپائر بن گئے
- قومی اسمبلی: جمشید دستی اور اقبال خان کے ایوان میں داخلے پر پابندی
- کراچی میں غیرملکیوں کی گاڑی پر حملہ، خودکش بمبار کی شناخت
- مولانا فضل الرحمٰن کو احتجاج کرنا ہے تو کے پی میں کریں ، بلاول بھٹو زرداری
- کراٹے کمبیٹ 45؛ شاہ زیب رند نے ’’بھارتی کپتان‘‘ کو تھپڑ دے مارا
- بلوچستان کابینہ کے 14 وزراء نے حلف اٹھا لیا
- کینیا؛ ہیلی کاپٹر حادثے میں آرمی چیف سمیت 10 افسران ہلاک
- قومی و صوبائی اسمبلی کی 21 نشستوں کیلیے ضمنی انتخابات21 اپریل کو ہوں گے
کیل کی مدد سے مصوری کے شاہکار نمونے بنانے والا پاکستانی نوجوان
لاہورمیں ایک ہنرمند نوجوان نے لوہے کی کیلوں کی مدد سے معروف شخصیات کے دلکش پورٹریٹ تیارکیے ہیں۔
پاکستان میں کئی ایسے ہنرمند افراد موجود ہیں جن کے فن پارے اور تخلیقات دیکھنے والوں کو حیران کردیتی ہے، احمد علی صادق بھی ان میں سے ایک ہیں، ماہرفن کار نے ہزاروں کیلوں کو مخصوص انداز سے نیا روپ دے کردلکش پورٹریٹس بنائے ہیں، آرٹ کے اِن نمونوں کی تیاری میں نہ تو پینٹس استعمال ہوئے ہیں اور نہ ہی کوئی برش، محض لوہے کی کیلوں سے مشہور ومعروف شخصیات کی تصاویر بنائی گئی ہیں۔
لاہورکے رہائشی احمد علی صادق نجی ادارے میں ملازم ہیں لیکن شوق کی تسکین کے لئے فن پارے تخلیق کرتے ہیں، وہ اب تک وزیراعظم عمران خان، آرمی چیف قمرجاوید باجوہ، ڈی جی آئی ایس پی آر سمیت کشمیری حریت رہنماؤں کے پورٹریٹ بھی بناچکے ہیں۔
احمدعلی صادق کہتے ہیں اس وقت چونکہ پوری قوم کشمیر کے ساتھ اظہار یکجہتی کررہی ہے اوران پرہونے والے مظالم کو دنیا کے سامنے بے نقاب کررہی ہے تو ایسے حالات میں ایک آرٹسٹ کی حیثیت سے میں نے بھی کشمیریوں کی جدوجہد کو اجاگرکرنے اوران سے اظہاریکجہتی کی کوشش کی ہے، میں نے حریت رہنما سیدعلی گیلانی ، برہان وانی اوراپنی کشمیری بہنوں کے پورٹریٹ بنائے ہیں۔
اس نوجوان آرٹسٹ نے سکھوں کے مذہبی پیشوا باباگورونانک کے 550 ویں جنم دن پر خراج تحسین پیش کرنے کے لئے گوردوارہ درنار صاحب کرتارپور کا عکس بھی بنایا ہے۔ ان کی خواہش ہے کہ وہ یہ تحفہ خود سکھ کمیونٹی کوپیش کریں۔ انہوں نے کہا وہ دنیا کودکھانا چاہتے ہیں کہ پاکستانی کس قدرمحبت کرنے والے لوگ ہیں، پوری دنیا سے آنے والی سکھ کمیونٹی تک بھی میری اس کوشش کے ذریعے مثبت پیغام پہنچے گا۔
انہوں نے بتایا کہ جب کوئی پورٹریٹ بنانا ہوتولکڑی کے ایک بورڈ پراس کا خاکہ بناتا ہوں پھراس خاکے کے اوپربڑی احتیاط سے کیلیں لگائی جاتی ہیں۔ ایک عام پورٹریٹ 3 سے 4 دن میں تیار کرلیتا ہوں جس میں تقریبا 6 سے 8 ہزار کیلیں استعمال ہوتی ہیں۔انہوں بتایا کہ وہ پینٹنگ بھی کرلیتے ہیں ، مختلف ماڈلز بھی تیارکرتے ہیں لیکن یہ کام زیادہ اچھا لگتا ہے۔ احمدعلی صادق نے تین سال قبل پینسلزکی مدد سے مینارپاکستان کا سات فٹ اونچا ماڈل بھی تیارکیا تھا جسے کافی پذیرائی ملی تھی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔