دکی میں پولیس کلرک نے اپنی ماں، بہن اور اہلیہ کو قتل کرکے خود کشی کرلی

ویب ڈیسک  ہفتہ 9 نومبر 2019
واقعے کی وجوہات معلوم نہیں ہو سکیں تاہم گھریلو تنازع سمیت دیگر پہلوؤں سے تفتیش کی جارہی ہے، پولیس . فوٹو : فائل

واقعے کی وجوہات معلوم نہیں ہو سکیں تاہم گھریلو تنازع سمیت دیگر پہلوؤں سے تفتیش کی جارہی ہے، پولیس . فوٹو : فائل

دکی: پولیس کلرک نے اپنے ہی گھر میں فائرنگ کرکے ماں بہن اور اہلیہ کو قتل کرکے خود کشی کرلی۔

ذرائع کے مطابق بلوچستان کے ضلع لورالائی کی تحصیل دکی میں محکمہ پولیس میں جونئیر کلرک نے گھریلو تنازع پر فائرنگ کرکے ماں، بہن اور بیوی کو قتل کردیا اور بعد میں خودکشی کرلی۔

واقعہ کی اطلاع ملتے ہی پولیس جائے وقوعہ پر پہنچ گئی اور چاروں افراد کی لاشیں اسپتال منتقل کرکے ضابطے کی کارروائی شروع کردی۔

پولیس کے مطابق فوری طور پر واقعے کی وجوہات معلوم نہیں ہو سکیں تاہم گھریلو تنازع سمیت دیگر پہلوؤں سے تفتیش کی جارہی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔