- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
- جوائن کرنے کے چند ماہ بعد ہی اکثر لوگ ملازمت کیوں چھوڑ دیتے ہیں؟
- لڑکی کا پیار جنون میں تبدیل، بوائے فرینڈ نے خوف کے مارے پولیس کو مطلع کردیا
- تاجروں کی وزیراعظم کو عمران خان سے بات چیت کرنے کی تجویز
- سندھ میں میٹرک اور انٹر کے امتحانات مئی میں ہونگے، موبائل فون لانے پر ضبط کرنے کا فیصلہ
- امریکی یونیورسٹیز میں اسرائیل کیخلاف ہزاروں طلبہ کا مظاہرہ، درجنوں گرفتار
- نکاح نامے میں ابہام یا شک کا فائدہ بیوی کو دیا جائےگا، سپریم کورٹ
آنکھوں سے دل کے امراض کا پتا لگانا ممکن، نئی تحقیق
لندن: آنکھوں کو روح کی کھڑکی بھی کہا جاتا ہے لیکن اب ماہرینِ قلب متفق ہوچکے ہیں کہ آنکھیں اور بالخصوص ان کا ریٹینا دل کے امراض اور بلڈ پریشر کی کیفیات ظاہر کرسکتا ہے۔
اس ضمن میں برطانیہ کے 55 ہزار بزرگ اور درمیانی عمر کے افراد کا جائزہ لیا گیا اور برطانوی بایو بینک سے 35 لاکھ شریانوں کے ڈیٹابیس کو بھی پڑھا گیا ہے۔
یہ تحقیق لندن میں واقع سینٹ جارج یونیورسٹی کی ایلیشیا رُڈنیکا اور ان کے ساتھیوں نے کی ہے۔ اس طرح انسانی آنکھوں اور امراضِ قلب کے ضمن میں اسے دنیا کا ایک بڑا مطالعہ کہا جاسکتا ہے۔ اس کا پہلا انکشاف یہ ہے کہ آنکھوں کی پشت پر خون کی باریک باریک رگیں دل کی شریانوں کی سختی کو ظاہرکرتی ہیں اس طرح انسانی ریٹینا بلڈ پریشر سے لے کر دل کی بیماریوں تک کو ظاہر کرسکتا ہے۔
اس تحقیق میں امریکن ہارٹ ایسوسی ایشن کی سفارشات کو بھی مدِ نظر رکھا گیا تھا۔ شرکا میں تمباکو نوشی، عمر، ورزش کے رجحان، غذائی عادات اور بلڈ پریشر وغیرہ کو بھی مدِ نظر رکھا گیا تھا۔
سائنس دانوں نے اپنی تحقیق کے لیے آنکھوں کے ریٹینا میں خون کی رگوں کی تصویر کشی اور پیش گوئی کرنے والا خودکار پروگرام بھی تیار کیا ہے۔ یہ پروگرام خون کی رگوں کی خمیدگی اور موٹائی کو بھی نوٹ کرتا ہے۔ معلوم ہوا کہ ریٹنیا کی رگوں کے درمیان خمیدگی قلبی شریانوں کے زائد پریشر، زائد بلڈ پریشر اور خود نبض کے بڑھتے ہوئے دباؤ (پلس پریشر) کو ظاہر کررہی تھی۔
دوسری اہم بات یہ بھی سامنے آئی ہے کہ ریٹینا کی رگوں کی تنگی اور دل کی شریانوں کی موٹائی اور بڑھتے ہوئے پریشر کے درمیان بھی ایک اہم تعلق دریافت ہوا ہے۔ اگرچہ یہ تبدیلی آنکھوں کی بصارت پر اثر انداز نہیں ہوتی لیکن ان سے دل کی بیماریوں کی پیشگوئی ضرور کی جاسکتی ہے۔
ماہرین پرامید ہیں کہ اس طرح صرف آنکھوں کو دیکھ کر ہی کسی بھی شخص میں دل کی بیماریوں کی کیفیت کو کئی سال قبل نوٹ کیا جاسکتا ہے اس طرح یہ امراضِ قلب سے بچاؤ اور احتیاط کا ایک بہت منفرد طریقہ ثابت ہوسکتا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔