حکومتی تاخیری حربے آج ختم ہوگئے ہیں، شہبازشریف

ویب ڈیسک  ہفتہ 16 نومبر 2019
 قوم کی دعائیں اور والدہ کی التجائیں اللہ تعالی نے قبول کرلیں، شہبازشریف۔فوٹو:فائل

قوم کی دعائیں اور والدہ کی التجائیں اللہ تعالی نے قبول کرلیں، شہبازشریف۔فوٹو:فائل

لاہور: مسلم لیگ (ن) کے صدر شہبازشریف نے کہا ہے کہ عدالت عالیہ نے انسانی بنیادوں پر فیصلہ سنایا جس پر ہم ان کے مشکور ہیں۔

لاہور ہائیکورٹ کے فیصلے کے بعد میڈیا سے بات کرتے ہوئے مسلم لیگ (ن) کے صدر شہبازشریف کا کہنا تھا کہ قوم کی دعائیں اور والدہ کی التجائیں رنگ لے آئیں اللہ تعالی نے دعائیں قبول کیں اور عدالت نے نوازشریف کو بیرون ملک علاج کرانے کی اجازت دی ہے، عدالت عالیہ نے انسانی بنیادوں پر فیصلہ سنایا جس پر ہم ان کے مشکور ہیں۔

شہبازشریف نے کہا کہ عدالت نے زرضمانت کے بغیر جانے کی اجازت دی ہے، نوازشریف کے علاج میں جو رکاوٹیں حائل تھیں وہ اب دور ہو چکی ہیں اور حکومتی تاخیری حربے آج ختم ہوگئے ہیں، نوازشریف علاج کروا کر وطن واپس آئیں گے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔