لاہور ایئرپورٹ پر چینی شہری غیر ملکی کرنسی اسمگل کرتے ہوئے گرفتار

ویب ڈیسک  اتوار 17 نومبر 2019
ملزم کو حراست میں لے کر تفتیش شروع کردی گئی ہے، کسٹم حکان فوٹو: ایکسپریس

ملزم کو حراست میں لے کر تفتیش شروع کردی گئی ہے، کسٹم حکان فوٹو: ایکسپریس

 لاہور: علامہ اقبال انٹر نیشنل ایئرپورٹ پر کسٹمز اہلکاروں نے بیرون ملک غیر ملکی کرنسی اسمگل کرنے کی کوشش کرنے والے چینی شہری کو گرفتار کرلیا۔

ایکسپریس نیوز کے مطابق علامہ اقبال انٹر نیشنل ایئرپورٹ پر تعینات کسٹمز اہلکاروں نے سول ایوی ایشن کے جوائنٹ سرچ بیگجز کاونٹر پر چیکنگ کرتے ہوئے چینی شہری کے سامان سے 17 ہزار امریکی ڈالر، 25 ہزار 600 یوآن جب کہ 25 ہزار 780 بھارتی روپے برآمد کر لئے۔

کسٹمز اہلکاروں کا کہنا ہے کہ چینی شہری چائنہ ایئر کی پرواز 6018 سے ارمچی جا رہا تھا، ملزم کو حراست میں لے کر تفتیش شروع کردی گئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔