مصباح الحق کو وقت دینا ہوگا، اتنی جلدی نہیں کرنی چاہیے، شاہد آفریدی

ویب ڈیسک  اتوار 17 نومبر 2019
اگر نوازشریف باہرجارہے تو جانے دو، علاج کروانے کے بعد واپس آجائیں گے، شاہد آفریدی

اگر نوازشریف باہرجارہے تو جانے دو، علاج کروانے کے بعد واپس آجائیں گے، شاہد آفریدی

 کراچی: قومی ٹیم کے سابق کپتان شاہد آفریدی کا کہنا ہے کہ مصباح الحق کو وقت دینا ہوگا،اتنی جلدی نہیں کرنی چاہیے۔

کراچی کے پی اے ایف میوزیم میں میڈیا سے بات کرتے ہوئے شاہد آفریدی نے کہا کہ نیا سیٹ اپ چل رہا ہے، اس کوچلنے دیں، مصباح الحق کو وقت دینا ہوگا، اتنی جلدی نہیں کرنی چاہیے جب کہ آسٹریلیا کے خلاف جارحانہ کرکٹ کھیلنا ہوگی، لیکن ٹیسٹ سیریزمیں پاکستان ٹیم سے زیادہ امیدیں نہیں، پاکستانی بالرز کے پاس پیس ہے نہ تجربہ ہے۔

ایک سوال کے جواب میں شاہد آفریدی نے کہا  کہ کوئی بھی مخلص آدمی پاکستان کے بغیرنہیں رہ سکتا تاہم کسی دوسرے شخص کے بارے میں کچھ نہیں کہہ سکتا، مجھے اتنا پتہ ہے کہ شاہدآفریدی ملک سے کتنا مخلص ہے، اور اگر نواز شریف ملک سے باہرجارہے ہیں تو جانے دو، علاج کروانے جارہے ہیں تو واپس آجائیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔