دریائے ستلج میں کشتی الٹنے سے 8 افراد جاں بحق

ویب ڈیسک  پير 18 نومبر 2019
 کشتی میں 30 سے زائد افراد سوار تھے، ریسکیو ذرائع۔ فوٹو : فائل

کشتی میں 30 سے زائد افراد سوار تھے، ریسکیو ذرائع۔ فوٹو : فائل

اوکاڑہ: علاقہ ملحو شیخو کے قریب دریائے ستلج میں کشتی الٹنے سے 8 افراد جاں بحق ہوگئے۔

اوکاڑہ میں علاقہ ملحو شیخو کے قریب دریائے ستلج میں کشتی الٹنے کے نتیجے میں 8 افراد جاں بحق ہوگئے جن میں ایک بچہ، 5 خواتین اور 2مرد شامل ہیں، واقعہ کے فوراً بعد مقامی افراد نے اپنی مدد آپ کے تحت امدادی کارروائیاں شروع کیں، ڈپٹی کمشنر اوکاڑہ مریم خان کےمطابق کشتی میں 20 سے 25 افراد سوار تھے جب کہ حادثہ گنجائش سے زیادہ افراد کے کشتی میں بیٹھنے کے باعث پیش آیا۔

عینی شاہدین کے مطابق اب تک دریا سے 8 افراد کی لاشیں نکالی جاچکی ہیں جب کہ کشتی ڈوبنے کے مقام پر دیگر افراد کی تلاش کے لیے ریسکیو آپریشن جاری ہے، ریسکیو ذرائع کے مطابق کشتی آمدورفت کے لیے استعمال کی جاتی ہے تاہم آج سفر کے دوران اچانک حادثہ پیش آیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔