عائزہ خان اپنے کرداروں کی بے پناہ پزیرائی پرمداحوں کی شکرگزار

ویب ڈیسک  پير 18 نومبر 2019
عائزہ کا ڈرامہ ’میرے پاس تم ہو‘، اپنی کہانی، ڈرامے میں بولے جانے والے مختلف ڈائیلاگ اورمنفی کردارکے باعث خوب مشہورہورہا ہے: فوٹو: فائل

عائزہ کا ڈرامہ ’میرے پاس تم ہو‘، اپنی کہانی، ڈرامے میں بولے جانے والے مختلف ڈائیلاگ اورمنفی کردارکے باعث خوب مشہورہورہا ہے: فوٹو: فائل

 کراچی:  اداکارہ عائزہ خان کا کہنا ہے کہ وہ اپنے کرداروں پر بے پناہ پزیرائی ملنے پرمداحوں کی شکرگزار ہیں۔

اداکارہ عائزہ خان اپنے ڈرامے ’میرے پاس تم ہو‘ کی وجہ سے خبروں اورسوشل میڈیا کی زینت بنی ہوئی ہیں۔ اداکارہ اس ڈرامے میں ایک منفی کردارادا کررہی ہیں جس پرکچھ مداح ان سے بہت خفا ہیں جب کہ کچھ ان کی اداکاری کی تعریف کرتے نہیں تھک رہے ہیں۔

اداکارہ نے ٹوئٹرپرکہا کہ بیک وقت دو بالکل منفرد کرداروں کو بخوبی نبھانا آسان نہیں ہوتا لیکن میں اپنے مداحوں کا شکریہ ادا کرنا چاہتی ہوں جو مجھے بدھ کے روز نشر ہونے والے ڈرامے ’تھوڑا سا حق‘ ادا کیے جانے والے کردار کو خوب سراہتے ہیں جب کہ ہفتے کو نشر ہونے والے ڈرامے ’میرے پاس تم ہو‘ میں منفی کردار ادا کرنے پر شدید نفرت بھی کرتے ہیں۔

https://twitter.com/Ayezakhan_ak/status/1196125524889759749

اس خبرکوبھی پڑھیں: بالی ووڈ سے فلموں کی آفرز ہوئی ہیں، عائزہ خان

عائزہ کا ڈرامہ ’میرے پاس تم ہو‘، اپنی کہانی، انتہائی جاندار مکالموں، منفی کردار جب کہ مرکزی کردار نبھانے والے اداکارہمایوں سعید اورعدنان صدیقی کی باعث خوب مشہورہورہا ہے۔

اس سے قبل بھی اداکارہ نے ٹوئٹ کی تھی اور کہا تھا کہ وہ ڈرامے میرے پاس تم ہو، کی بارہویں قسط نہ دیکھیں ورنہ ان کے مداح ہمیشہ کے لیے ان سے نفرت کرنے لگیں گے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔