ٹرمپ نے سیاسی حریف جو بائیڈن کو پاگل سے قدرے بہتر قرار دے دیا

 واشنگٹن: امریکی صدر ڈونلڈ ٹرمپ نے اپنے سیاسی حریف جوبائیڈن پر وار کرتے ہوئے انہیں پاگل کتے سے تشبیہ دے دی۔

غیر ملکی میڈیا کے مطابق 2020 میں امریکی صدارتی انتخابات کی تاریخ قریب آتے ہی سیاسی تنقید بھی زور پکڑتی جارہی ہے۔ ڈونلڈ ٹرمپ کے بڑے حریف جوبائیڈن ہیں جو الیکشن میں ڈیموکریٹ پارٹی کے مضبوط امیدوار تصور کیے جاتے ہیں۔

ٹرمپ نے سیاسی داؤ پیچ آزماتے ہوئے اپنے حریف پر نیا وار کیا ہے۔  شمالی کوریا کی حکومت نے جوبائیڈن کو تنقید کا نشانہ بناتے ہوئے انہیں پاگل کتا کہا تھا۔

Mr. Chairman, Joe Biden may be Sleepy and Very Slow, but he is not a “rabid dog.” He is actually somewhat better than that, but I am the only one who can get you where you have to be. You should act quickly, get the deal done. See you soon! https://t.co/kO2k14lTf7

— Donald J. Trump (@realDonaldTrump) November 17, 2019

اس پر ٹرمپ نے بظاہر تو جوبائیڈن کا دفاع کیا لیکن حقیقت میں ان پر گہری چوٹ کرتے ہوئے کہا کہ جوبائیڈن شاید بہت زیادہ سست ہیں لیکن وہ پاگل کتے سے کہیں بہتر ہیں۔

واضح رہے کہ امریکی سیاست میں خراب اور غیر پارلیمانی زبان کا استعمال نئی بات نہیں۔ اس سے قبل امریکی سیکریٹری دفاع جیمس میٹس نے مبینہ طور پر ڈونلڈ ٹرمپ کو پاگل کتا کہا تھا جس پر ان کی چھٹی ہوگئی تھی جبکہ ٹرمپ کی بدزبانی بھی کوئی ڈھکی چھپی بات نہیں۔