عالمی مارکیٹ کے بعد پاکستان میں بھی سونے کی قیمت میں اضافہ

ویب ڈیسک  منگل 19 نومبر 2019
عالمی بازار میں سونا 8 ڈالر مہنگا ہوکر 1467 ڈالر فی اونس کا ہوگیا ۔ فوٹو:فائل

عالمی بازار میں سونا 8 ڈالر مہنگا ہوکر 1467 ڈالر فی اونس کا ہوگیا ۔ فوٹو:فائل

کراچی: عالمی مارکیٹ میں فی اونس سونا 8 ڈالر جب کہ پاکستان میں فی تولہ اور دس گرام سونا بالترتیب 300 روپے اور 257 روپے مہنگا ہوا۔

ایکسپریس نیوز کے مطابق عالمی بلین مارکیٹ میں سونے کی فی اونس قیمت میں 8 ڈالر کا اضافہ ہوا، اور عالمی مارکیٹ میں سونے کی فی اونس قیمت 1467 ڈالر ہوگئی، جب کہ مقامی صرافہ مارکیٹوں میں سونے کی فی تولہ اور دس گرام قیمت میں بالترتیب 300 روپے اور 257 روپے کا اضافہ ہوا۔

قیمتوں میں اضافے کے  بعد کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 86 ہزار  روپے اور دس گرام سونے کی قیمت اضافے کے بعد 73  ہزار 731 روپے ہوگئی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔