لاہور ایئرپورٹ سے کروڑوں روپے مالیت کی 10 کلوگرام ہیروئن برآمد

ویب ڈیسک / طالب فریدی  بدھ 20 نومبر 2019
پکڑی جانیوالی ہیروئن کے پیکٹس کی نشاندہی پی آئی اے کے عملے نے کی: فوٹوایکسپریس

پکڑی جانیوالی ہیروئن کے پیکٹس کی نشاندہی پی آئی اے کے عملے نے کی: فوٹوایکسپریس

لاہور: علامہ اقبال انٹر نیشنل ایئرپورٹ پر اے ایس ایف اور اے این ایف کی مشترکہ کارروائی کے دوران 12 سے 15کروڑ روپے مالیت کی ساڑھے 10 کلو گرام اعلیٰ کوالٹی ہیروئن کے تین پیکٹس برآمد کرلیے گئے۔

ایئرپورٹ سیکیورٹی فورس اور اینٹی نارکوٹکس فورس کو پی آئی اے کے کچھ ملازمین نے بتایا کہ لاہورعلامہ اقبال انٹرنیشنل ایئرپورٹ کے یارڈ میں کھڑے اسٹیل کے خالی کنٹینر میں سے بھاری مقدار میں ہیروئن برآمد کی گئی ہے۔

برآمد ہونے والی ساڑھے10 کلو 388 گرام ہیروئن انتہائی اعلیٰ کوالٹی کی ہے۔ ہیروئن اسٹیل کنٹینر کے خفیہ خانے بناکر مہارت سے چھپائی گئی تھی۔ ہیروئن کے تین پیکٹس کی نشاندہی پی آئی اے کے عملے نے کی۔

پکڑی گئی ہیروئن کی مالیت 15 کروڑ روپے سے زائد بتائی جاتی ہے ایئرپورٹ سیکیورٹی فورس اور اینٹی نارکوٹکس فورس نے وسیع پیمانے پر تحقیقات شروع کردی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔