ٹنڈو جام میں فائرنگ، چانڈیو برادری کے2افراد جاں بحق

علی آباد ٹاؤن میں نامعلوم افراد نے عباس اور حیات پر گولیاں برسادیں، فائرنگ سے علاقے میں خوف وہراس پھیل گیا

نامہ نگار اتوار 27 اکتوبر 2013

متوفیان کا تعلق قمبر علی خان ضلع لاڑکانہ سے بتایا جاتا ہے۔

ٹنڈو جام: ٹنڈوجام کے علاقے علی آباد ٹاؤن میں نامعلوم مسلح افراد کی فائرنگ سے چانڈیو برادری کے 2 افراد جاں بحق ہوگئے۔

تفصیلات کے مطابق ٹنڈوجام کے علاقے علی آباد ٹاؤن میں نامعلوم مسلح افراد نے فائرنگ کرکے چانڈیو قبیلے سے تعلق رکھنے والے 2 افراد عباس چانڈیو اور حیات چانڈیو پر اندھا دھند فائرنگ کر سی جس سے دونوں شدید زخمی جبکہ ملزمان فرار ہوگئے ۔

انھیں تشویشناک حالت میں حیدرآباد اسپتال منتقل کر دیا گیا جہاں وہ زخموں کی تاب نہ لاتے ہوئے دم توڑ گئے، فائرنگ سے علاقے میں خوف وہراس پھیل گیا۔ متوفیان کا تعلق قمبر علی خان ضلع لاڑکانہ سے بتایا جاتا ہے۔