بلوچستان کے ضلع نوشکی اور گردو نواح میں زلزلے کے جھٹکے

کوئٹہ: نوشکی اور اس کے گردو نواح میں زلزلے کی جھٹکے محسوس کئے گئے۔

ایکسپریس نیوز کے مطابق بلوچستان کے ضلع نوشکی اور اس کے گردو نواح کے علاقوں میں زلزلے کے شدید جھٹکے محسوس کئے گئے، زلزلے کے جھٹکوں سے خوفزدہ ہو کر گھروں اور دکانوں سے باہر نکل آئے اور کلمہ طیبہ کا ورد شروع کردیا۔

زلزلہ پیمامرکز کے مطابق ریکٹر اسکیل پر زلزلے کی شدت 3 اعشاریہ 4 ریکارڈ کی گئی اور زیرزمین اس کی گہرائی 38 کلومیٹر تھی جب کہ زلزلے کا مرکز 15 کلومیٹر جنوب مغرب میں تھا۔