العزیزیہ ریفرنس میں نوازشریف کی اپیل 18 دسمبر کو سماعت کے لیے مقرر

ویب ڈیسک  ہفتہ 7 دسمبر 2019
نواز شریف کی سزا بڑھانے کیلئے نیب کی اپیل بھی اسلام آباد ہائی کورٹ میں سماعت کے لیے مقرر فوٹو:فائل

نواز شریف کی سزا بڑھانے کیلئے نیب کی اپیل بھی اسلام آباد ہائی کورٹ میں سماعت کے لیے مقرر فوٹو:فائل

اسلام آباد ہائی کورٹ نے العزیزیہ ریفرنس میں نوازشریف کی اپیل 18 دسمبر کو سماعت کے لیے مقرر کردی۔

اسلام آباد ہائی کورٹ کے رجسٹرارآفس نے کاز لسٹ جاری کردی جس کے مطابق جسٹس عامر فاروق اور جسٹس محسن اختر کیانی پر مشتمل ڈویژن بنچ نوازشریف کی اپیل کی سماعت کرے گا۔ ہائی کورٹ نے نواز شریف کی سزا بڑھانے کیلئے نیب کی اپیل بھی 18 دسمبر کو ہی سماعت کے لیے مقرر کردی۔

احتساب عدالت نے سابق وزیراعظم نواز شریف کو العزیزیہ ریفرنس میں  7 سال قید اور پونے چار ارب روپے جرمانے کی سزا سنائی تھی۔ نواز شریف نے سزا کالعدم کرنے کے لیے اپیل دائر کر رکھی ہے جبکہ نیب نے سزا بڑھانے کے لیے اپیل دائر کی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔