چکوال کے قریب مسافر کوچ اور ٹرک میں تصادم سے 4 افراد جاں بحق، 8 زخمی

ویب ڈیسک  اتوار 8 دسمبر 2019
حادثے کا شکار مسافر کوچ تلہ گنگ سے فیصل آباد جا رہی تھی فوٹو: فائل

حادثے کا شکار مسافر کوچ تلہ گنگ سے فیصل آباد جا رہی تھی فوٹو: فائل

چکوال: دھرابی کے قریب مسافر کوچ اور ٹرک میں تصادم سے 4 افراد جاں بحق جب کہ 12 زخمی ہوگئے۔

ایکسپریس نیوز کے مطابق چکوال کے علاقے دھرابی کے قریب تلہ گنگ سے فیصل آباد جانے والی مسافر کوچ بےقابو ہوکر ٹرک سے ٹکرا گئی جس کی وجہ سے 16 مسافر زخمی ہوگئے۔

زخمیوں کو فوری طور پر ڈسٹرکٹ ہیڈ کوارٹراسپتال چکوال منتقل کیا گیا، جہاں طبی عملے نے 4 افراد کے جاں بحق ہونے کی تصدیق کردی جب کہ دیگر زخمیوں کو طبی امداد فراہم کی جارہی ہے، طبی عملے کا کہنا ہے کہ جاں بحق ہونے والوں میں 3 خواتین اور ایک مرد شامل ہے، زخمیوں میں سے کچھ کی حالت تشویشناک ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔