بابرہ شریف کا اپنی عمر کے حوالے سے بیان سامنے آگیا

قیصر افتخار / ویب ڈیسک  اتوار 8 دسمبر 2019
اداکارہ کے مطابق ان کی تاریخ پیدائش 20 مارچ 1964 ہے

اداکارہ کے مطابق ان کی تاریخ پیدائش 20 مارچ 1964 ہے

لاہور: پاکستان فلم انڈسٹری کی تاریخ بابرہ شریف کے تذکرے کے بغیر ہمیشہ ادھوری ہے اور ان کے چاہنے والے ہمیشہ اداکارہ سے متعلق خبروں کی تلاش میں رہتے ہیں۔

برسوں تک پاکستان فلم انڈسٹری پر عمدہ اداکاری سے راج کرنے والی فلمسٹار بابرہ شریف نے اپنی عمر کے حوالے سے ایک آڈئو بیان جاری کیا ہے جس میں ان کا کہنا تھا کہ وکی پیڈیا پر لکھی گئی ان کی عمر غلط ہے۔

وکی پیڈیا کے مطابق بابرہ شریف کی تاریخ پیدائش 10 دسمبر 1954 ہے اور اسی لئے انہیں دنیا بھر سے چاہنے والوں کے فون کالز موصول ہونے لگتے ہیں لیکن اس بار بابرہ شریف نے خود اپنے ایک آڈیو پیغام میں اپنی عمر بتا دی۔

اداکارہ کے مطابق ان کی تاریخ پیدائش 20 مارچ 1964 ہے، جب کہ وہ  میڈیا کی شکر گزار ہیں جنہوں نے اس حوالے سے مجھ سے رابطہ کیا، اب سب کو میری اصل عمر پتہ چل جائے گی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔