لیگی رہنما خواجہ عمران نذیر حادثے میں زخمی، سر پر ٹانکے لگے

 لاہور: مسلم لیگ (ن) کے رہنما خواجہ عمران نذیر حادثے میں زخمی ہوگئے ہیں اور ان کے سر پر ٹانکے لگے ہیں۔

ایکسپریس نیوز کے مطابق مسلم لیگ (ن) لاہور کے جنرل سیکریٹری خواجہ عمران نذیر کی گاڑی کو حادثہ پیش آیا ہے اور ان کے سر پر چوٹیں آئی ہیں۔

لیگی رہنما کی گاڑی کو لاہور کینٹ راحت بیکری چوک میں سگنل پر نامعلوم ویگو ڈالا ڈرائیور نے ٹکر ماری اور موقع سے فرار ہو گیا۔

حادثے کے باعث خواجہ عمران نذیر کو سر میں ٹانکے لگے جس کے بعد انہیں سی ایم ایچ اسپتال منتقل کیا گیا جہاں انہیں طبی امداد دی گئی۔