- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
- ایکسپورٹ فیسیلی ٹیشن اسکیم کے غلط استعمال پر 10کروڑ روپے جرمانہ
- معیشت2047 تک 3 ٹریلین ڈالر تک بڑھنے کی صلاحیت رکھتی ہے، وزیر خزانہ
پاکستان کسٹمز نے ایدھی فاؤنڈیشن کے 11 کروڑ 35 لاکھ کے پے آرڈرز ریلیز کردیے
کراچی: پاکستان کسٹمز نے ایدھی فاؤنڈیشن کی جانب سے ایمبولنسوں کی درآمد پر سیکیورٹی کے طور پر جمع کرائے گئے18کروڑ روپے میں سے 11 کروڑ 35 لاکھ روپے کے پے آرڈرز پیر کو جاری کر دیے ہیں۔
ذرائع نے ایکسپریس کو بتایاکہ ایدھی فاؤنڈیشن کو پاکستان کسٹمز ٹیرف نمبر 9912 کے تحت ایک فلاحی ادارے کے طور پر ایمبولینسز، ہیلی کاپٹرز، ایئرکرافٹ، اجناس، گرم ملبوسات، ایکسرے مشین سمیت دیگر میڈیکل وسرجیکل آلات، ادویات سمیت دیگرمتعلقہ اشیا کی درآمد پرکسٹم ڈیوٹی سے استثنیٰ حاصل ہے تاہم انہیں فیڈرل ایکسائزڈیوٹی سے استثنی نہیں دیاگیاہے یہی وجہ ہے کہ ایدھی فاؤنڈیشن کی جانب سے بطورسیکیورٹی جمع کرائے گئے18کروڑروپے کے پے آرڈرز میں سے فیڈرل ایکسائز ڈیوٹی کی مدمیں 5 کروڑ 33لاکھ روپے کی وصولیاں کی گئی ہیں اور12 بوٹس کی درآمد پربھی فیڈرل ایکسائزڈیوٹی کی مد میں 17لاکھ روپے کی وصولیاں کی گئی ہیں۔
ذرائع نے بتایا کہ ایدھی فاؤنڈیشن کی جانب سے درآمدکی جانے والی 2017ماڈل کی لینڈ کروزر کے لیے وزارت تجارت نے این او سی جاری نہیں کیا اور اس سلسلے میں ایف بی آر کا موقف ہے کہ مذکورہ لینڈ کروزر ایمبولینس نہیں ہے اور سال2016 کی درآمدی پالیسی کے تحت پرانی اور استعمال شدہ گاڑیوں کی درآمدات پرپابندی عائد ہے اورپی سی ٹی 9913 سے عدم مطابقت کے باعث ایدھی فاؤنڈیشن کی جانب سے درآمدکی جانے والی لینڈ کروزرکی کلیئرنس بھی نہیں دی گئی ہے کیونکہ مذکورہ ٹیرف نمبرکے تحت فلاحی ادارے کی جانب سے درآمد کی جانے والی گاڑی پرایمبولینس کی واضح تحریرہونی چاہیے۔
ذرائع نے بتایا کہ پاکستان کسٹمز نے گزشتہ 5سال کے دوران ایدھی فاونڈیشن کوایک ارب روپے سے زائد مالیت کی اشیاء کی درآمدات پرکسٹم ڈیوٹی کی مد میں ایک ارب 56 کروڑ روپے کی چھوٹ فراہم کی ہے۔ یہاں یہ امر قابل ذکر ہے کہ ایدھی فاونڈیشن کی جانب سے سال 2016-17 اورسال 2018میں 270ایمبولینسیں درآمدکی گئی تھیں جن پر 18کروڑروپے مالیت کے پے آرڈرز بطور سیکیورٹی جمع کرائے گئے تھے۔
ذرائع کا کہنا ہے کہ کسٹم حکام کوجب عبدالستارایدھی فاؤنڈیشن کی جمع شدہ رقم کے پے آرڈرز ریلیز نہ ہونے سے متعلق آگہی ہوئی توانہوں نے فوری طورپر فاؤنڈیشن کاریکارڈطلب کرکے جمع شدہ پے آرڈرز کی واپسی کے احکامات جاری کیے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔