- وزیر خزانہ محمد اورنگزیب کی چینی ہم منصب سے ملاقات، سی پیک کے دوسرے مرحلے کیلیے عزم کا اظہار
- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
کامسیٹس یونیورسٹی کے زیرِ اہتمام بین الاقوامی بایو میڈیکل کانفرنس کا آغاز
لاہور: کامسیٹس یونیورسٹی اسلام آباد کے لاہور کیمپس میں واقع ’ اںٹر ڈسپلنری ریسرچ سینٹر برائے بائیو میڈیکل مٹیریلز‘ کے زیرِ اہتمام، ساتویں بین الاقوامی برائے بایومیڈیکل مٹیریلز کا افتتاح پنجاب کی وزیرِ صحت ڈاکٹر یاسمین راشد صاحبہ نے کیا ۔ اس کانفرنس میں دو سو سے زائد ملکی اور غیرملکی ماہرین و مندوب نے شرکت کی۔
اس سال سمپوزیم کا مرکزی موضوع (تھیم) ’سائنس و ٹٰیکنالوجی میں ایجادات اور علمی معیشت‘ کو فروغ دینے پر ہے۔
کانفرنس میں برطانیہ، جرمنی، امریکہ، ترکی، نیوزی لینڈ اور ایران سمیت کئی ممالک سے ماہرین نے شرکت کی۔ ان میں برطانیہ کی معروف پروفیسر شیلہ میکلین بھی نمایاں ہیں۔ وزیرِ صحت ڈاکٹر یاسمین راشد نے اپنے خطاب میں کامسیٹس یونیورسٹٰی اسلام آباد کے اعلیٰ علمی اور تحقیقی معیار کو سراہا۔ انہوں نے سینٹر برائے بایومٹریلز کی پیش رفت کو ملک میں صحت کے شعبے میں اہم سنگِ میل قرار دیا۔
افتتاحی تقریب سے مرکز کے بانی ڈاکٹر احتشام الرحمان ، کیمپس کے ڈائریکٹر قیصرعباس، برطانیہ کی پروفیسر شیلہ میکلین، اور کامسیٹس کے ریکٹر ڈاکٹر راحیل قمر نے بھی خطاب کیا۔
سینٹر کے ناظم ڈاکٹر عاقف انور نے سمپوزیم اور سینٹر کےبارے میں تفیصلات فراہم کرتے ہوئے تمام مندوبین کو خوش آمدید کہا۔
اس سے قبل اںٹر ڈسپلنری ریسرچ سینٹر برائے بائیو میڈیکل مٹیریلز کے ایڈوائزر ڈاکٹر سعادت انور صدیقی نے وزیرِ صحت کو مرکز میں تیار ہونے والے بایومٹیریلز پر تحقیق اور ان کی تیاری سے بھی آگاہ کیا ۔ اس موقع پر وزیرِ صحت نے اپنے خطاب میں یقین دہانی کرائی کہ سمپوزیم میں جو بھی سفارشات پیش کی گئی ہیں ان پر وزیرِ اعظم عمران خان کی حکومت سنجیدگی سے غور کرے گی اور ایسے اداروں کو مضبوط بنایا جائے گا۔
طب میں جدید بایو مٹیریلز کے حوالے سے یہ بین الاقوامی سمپوزیم دو دن تک جاری رہے گا۔
جدید سہولیات سے مرصع آئی آر سی بی ایم میں ہڈیوں کی نشوونما، جلد کے حیاتیاتی متبادل، نرم بافتوں (سافٹ ٹشوز) سمیت بایو سینسر اور دیگر برقی پیوند پر تحقیق ہورہی ہے۔ حال ہی میں اس مرکز کے ماہرین نے زیابیطس کے مندمل نہ ہونے والے زخموں کے لیے حیاتیاتی پٹی تیار کی ہے جس کے بہت حوصلہ افزا نتائج سامنے آئے ہیں۔
واضح رہے کہ آئی آر سی بی ایم پاکستان میں ٹشو انجینیئرنگ اور بایومیڈیکل تحقیق سے وابستہ واحد کثیرالموضوعاتی تحقیقی ادارہ ہے جو 2008 میں قائم کیا گیا تھا۔ اپنے تحقیقی کام کی بدولت اب تک ادارے نے 400 سےزائد تحقیقی مقالے شائع کرائے ہیں ۔ اس کے علاوہ ملکی اور غیرملکی درجنوں گرانٹس اور پیٹنٹس حاصل کی ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔