عالمی مارکیٹ کے بعد پاکستان میں بھی سونے کی قیمت کو پر لگ گئے

ویب ڈیسک  جمعرات 12 دسمبر 2019
عالمی بازار میں سونا 10 ڈالر مہنگا ہوکر 1476 ڈالر فی اونس کا ہوگیا، آل سندھ صرافہ بازار. فوٹو:فائل

عالمی بازار میں سونا 10 ڈالر مہنگا ہوکر 1476 ڈالر فی اونس کا ہوگیا، آل سندھ صرافہ بازار. فوٹو:فائل

کراچی: عالمی مارکیٹ میں سونے کی فی اونس قیمت میں 10 ڈالر جب کہ ملکی صرافہ مارکیٹوں میں فی تولہ اور دس گرام قیمت میں بالترتیب 150 روپے اور 129 روپے کا اضافہ ہوا۔

ایکسپریس نیوز کے مطابق عالمی بلین مارکیٹ میں سونے کی فی اونس قیمت میں 10 ڈالر کا اضافہ ہوا اور عالمی مارکیٹ میں سونے کی فی اونس قیمت 1466 ڈالر سے بڑھ کر 1476 ڈالر ہوگئی، جب کہ جمعرات کے روز ملکی صرافہ مارکیٹوں میں بھی سونے کی فی تولہ اور دس گرام قیمت میں بالترتیب 150 روپے اور 129 روپے اضافہ ہوگیا۔

قیمتوں میں اضافے کے بعد کراچی، حیدرآباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کی صرافہ مارکیٹوں میں فی تولہ سونے کی قیمت بڑھ کر 84 ہزار 550 روپے اور دس گرام سونے کی قیمت اضافے کے ساتھ 72 ہزار 488 روپے ہوگئی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔