- جسٹس بابر ستار پر الزامات ہیں تو کلیئر کریں، فیصل واوڈا
- پاکستان کو آئی ایم ایف سے قرض کی نئی قسط 29 اپریل تک ملنے کا امکان
- امریکی اکیڈمی آف نیورولوجی نے پاکستانی پروفیسر کو ایڈووکیٹ آف دی ایئر ایوارڈ سے نواز دیا
- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
پاکستان سے بے نظیر کا نام مٹانے کی کوشش کی جارہی ہے، بلاول
اسلام آباد: چیئرمین پیپلز پارٹی بلاول بھٹو زرداری کا کہنا ہے کہ بینظیر کے نام پر قائم انکم سپورٹ پروگرام اور ائیرپورٹ کے نام بدل کر ان کا نام مٹانے کی اور کرپٹ کرپٹ کی رٹ لگا کر نوجوانوں کا برین واش کرنے کی کوشش کی گئی۔
شہید بینظیر بھٹو کی زندگی پر لکھی گئی کتاب کی تقریب رونمائی سے خطاب کرتے ہوئے پاکستان پیپلز پارٹی کے چیئرمین بلاول بھٹو زرداری کا کہنا تھا کہ پاکستان میں شہید بینظیر بھٹو کا نام مٹانے کی کوشش کی جارہی ہے، بینظیر انکم سپورٹ پروگرام کا نام تبدیل کرنے اور ائیرپورٹ کا نام بدل کر شہید بینظیر بھٹو کا نام مٹانے کی کوشش کی گئی لیکن ان منصوبوں سے بینظیر کا نام مٹانے سے عوام کے دلوں سے یہ نام نہیں مٹایا جاسکتا۔
بلاول بھٹو نے کہا کہ شہید بینظیر بھٹو نے ضیاء کی جیل میں رہنا قبول کیا مگر ملک سے باہر نہیں گئیں، انہوں نے ہمیشہ فرنٹ سے قیادت کی، آنسو گیس کا سامنا کیا لاٹھیاں کھائیں اور بتایا کہ عورتیں وہ کرسکتی ہیں جو شاید مرد بھی نہ کرسکے، آج انقلابی شعر پڑھنے والے بڑے بڑے لیڈر بن چکے ہیں، ذرا سا بھی پولیس ایکشن ہو تو یہ لیڈر گھروں سے بھاگ جاتے ہیں، ان کے کارکنان پر تشدد ہو تو وہ کہیں نظر نہیں آتے، آج کنٹینر میں بیٹھ کر لانگ مارچ کروائے جاتے ہیں اور یہ حال ہوگیا ہے کہ کہا جاتا ہے کہ یوٹرن لیے بغیر کوئی لیڈر نہیں بن سکتے۔
چیئرمین پی پی پی کا کہنا تھا کہ ایک سوچی سمجھی سازش کے تحت پاکستان کے ترقی پسندوں کی کردار کشی کی گئی، کرپٹ کرپٹ کی رٹ لگا کر نوجوانوں کا برین واش کرنے کی کوشش کی گئی، کرپٹ لوگ یوٹرن لیتے ہیں اور بھاگ جاتے ہیں، جو عوام کو حقوق نہیں دیتے وہ اشرافیہ کرپٹ ہے، ترقی پسندوں کی قیادت کرپٹ نہیں، ہمیں تو سکھایا گیا ہے کہ اپنے مؤقف اور نظریات پر ڈٹے رہو یہاں تک کہ شہادت کیوں نہ قبول کرنا پڑے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔