- انصاف کے شعبے سے منسلک خواتین کے اعداد و شمار جاری
- 2 سر اور ایک دھڑ والی بہنوں کی امریکی فوجی سے شادی
- وزیراعظم نے سرکاری تقریبات میں پروٹوکول کیلیے سرخ قالین پر پابندی لگادی
- معیشت کی بہتری کیلیے سیاسی و انتظامی دباؤبرداشت نہیں کریں گے، وزیراعظم
- تربت حملے پر بھارت کا بے بنیاد پروپیگنڈا بے نقاب
- جنوبی افریقا میں ایسٹر تقریب میں جانے والی بس پل سے الٹ گئی؛ 45 ہلاکتیں
- پاکستانی ٹیم میں 5 کپتان! مگر کیسے؟
- پختونخوا پولیس کیلیے 7.6 ارب سے گاڑیاں و جدید آلات خریدنے کی منظوری
- اسلام آباد ہائیکورٹ نے پی ٹی آئی رہنما کو عمرے پرجانے کی اجازت دے دی
- مشترکہ مفادات کونسل کی تشکیل نو، پہلی بار وزیر خزانہ کی جگہ وزیر خارجہ شامل
- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
اسلام آباد میں عالمی اسکواش کا میلہ آج سجے گا
لاہور: اسلام آباد میں عالمی اسکواش کا میلہ اتوار سے سجے گا،اس میں مردوں کے ساتھ غیر ملکی خواتین کھلاڑیوں کی بڑی تعداد بھی ایکشن میں ہوگی۔
مصحف علی میر اسپورٹس کمپلیکس میں شیڈول 5روزہ اسکواش میلے میں عالمی رینکنگ میں 43ویں پوزیشن پر موجود مصر کے ابراہیم یوسف ٹاپ سیڈ ہوں گے۔20 ہزار امریکی ڈالر کے اس ایونٹ میں پاکستان کوطیب اسلم اور فرحان محبوب سے امیدیں وابستہ ہیں، 20 سے زائد دیگر نوجوان بھی ایونٹ کا حصہ ہیں، 19 دسمبر تک شیڈول اس ٹورنامنٹ میں خواتین کے مقابلے بھی ہوں گے،12 ہزار ڈالر انعامی رقم کے لیڈیزایونٹ میں ہانگ کانگ کی ونگ ٹونگ ٹاپ سیڈ ہیں ، ان کے ساتھ امریکا، مصر، اسپین، ملائیشیا اور سوئٹزر لینڈ کی کھلاڑی مین راؤنڈ میں صلاحیتوں کا اظہارکریں گی۔
پاکستان کو آمنہ فیاض سے بہترکارکردگی کی توقعات ہیں۔ایونٹ میں شریک کھلاڑیوں میں یوسف ابراہیم،مذین گامال ، محمد السربینی، خالد لبیب ،یحییٰ الہنواسانی ، احمد الہوسنی (مصر)، محمد السراج (اردن)، کیریتیس ملک (انگلینڈ)،ڈیرن راہیل پرگاسن، اونگ سائی ہونگ (ملائیشیا)،عقیل رحمان (آسٹریا)، ٹینگ منگ ہونگ، تسزکینلے (ہانگ کانگ)،ریسوریز (پرتگال)اور ییانکے (جرمنی) شامل ہیں، پاکستان کے اسرار احمد،عاصم خان،فرحان محبوب،فرحان زمان، عماد فرید،طیب اسلم اورنورزمان بھی ایکشن میں ہوں گے۔
ویمنز ایونٹ میں پاکستانی ماریہ حسین،روشنا محبوب،فرح مومن،نمرہ عقیل،مقدس اشرف ، صائمہ شوکت،کومل خان،زینب خان،فائقہ ظفر، انعم مصطفیٰ عزیز،نورینہ شمس،عیسا عمران، آمنہ فیاض،مدینہ ظفر اور نور الہدی کو غیرملکی خواتین کے ساتھ مقابلوں کا موقع ملے گا۔آصف خان ٹورنامنٹ ریفری پاکستان کی نمائندگی کررہے ہیں، ہانگ کانگ سے محمد فیاض اور ملائیشا کے کاشف خان بھی مقابلوں کو کنڈکٹ کریں گے۔
پاکستان اسکواش فیڈریشن حکام کو یقین ہے کہ غیر ملکیوں کے ساتھ ملکی کھلاڑیوں کو بھی اس ٹورنامنٹ کے ذریعے اپنی رینکنگ کو بہتر بنانے کا موقع ملے گا۔ سینئرز کے ساتھ نوجوان کھلاڑی بھی ان میچز سے بہت کچھ سیکھیں گے۔
دوسری جانب ساؤتھ ایشن گیمز کے گولڈمیڈلسٹ طیب اسلم اور فرحان محبوب کا کہنا ہے کہ نیپال میں بہترین پرفارمنس سے اعتماد میں اضافے کے ساتھ اس ایونٹ کی تیاری کا بھی زبردست موقع ملا،ہم کوشش کریں گے کہ غیرملکی کھلاڑیوں کے خلاف بہترین کھیل پیش کرکے پاکستان کا نام عالمی اسکواش میں روشن کرتے ہوئے سال کا اختتام شاندار انداز میں کریں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔