ارشد سلیم کو سندھ یونیورسٹی کا وی سی بنائے جانیکا امکان

نوٹیفکیشن جلد جاری ہوگا، ارشد سلیم بے نظیر یونیورسٹی کے بھی وائس چانسلر رہیں گے.

اسماعیل ڈومکی منگل 5 نومبر 2013

نوٹیفکیشن جلد جاری ہوگا، ارشد سلیم بے نظیر یونیورسٹی کے بھی وائس چانسلر رہیں گے.

نوابشاہ: شہید بے نظیر بھٹو یونیورسٹی کے وائس چانسلر ارشد سلیم کو سندھ یونیورسٹی کا وائس چانسلر مقرر کیے جانے کا امکان ہے۔

بااثر سیاسی شخصیت نے وزیر اعلیٰ سندھ سے رابط کر لیا۔ انتہائی قابل اعتماد ذرائع نے ایکسپریس کو بتایا کہ شہید بے نظیر بھٹو یونیورسٹی نوابشاہ کے وائس چانسلر ارشد سلیم کو ایک سیاسی شخصیت کی سفارش پر سندھ یونیورسٹی کا وائس چانسلر مقرر کیا جا رہا ہے۔ ذرائع کے مطابق دسمبر کے پہلے ہفتے میں باضابطہ طور پر ارشد سلیم کو سندھ یونیورسٹی کا وائس چانسلر مقرر کیے جانے کا نوٹیفکیشن بھی جاری کر دیا جائے گا۔

ذرائع کا کہنا ہے کہ سندھ یونیورسٹی کے وائس چانسلر مقرر کیے جانے کے باوجود ان کے پاس شہید بے نظیر بھٹو یونیورسٹی نوابشاہ کا اضافی چارج بھی رہے گا اور اسی طرح وہ سندھ کی تاریخ میں پہلی بار بیک وقت 2 یونیورسٹوں کے وائس چانسلر بن جائیں گے۔