شہروز اور سائرہ کے درمیان طلاق کی خبریں بے بنیاد ہیں، بہروز سبزواری

سائرہ ناراضگی کی وجہ سے میکے میں ہیں اور شادی شدہ جوڑوں میں اس طرح کی ناراضگیاں کوئی نئی بات نہیں، بہروز سبزواری

ویب ڈیسک پير 30 دسمبر 2019

سائرہ ناراضگی کی وجہ سے میکے میں ہیں، بہروز سبزواری۔ فوٹو : فائل

کراچی: معروف اداکار بہروز سبزواری کا کہنا ہے کہ شہروز سبزواری اور سائرہ شہروز کے درمیان طلاق کی خبریں بے بنیاد ہیں۔

شہروز سبزواری کے والد اور معروف اداکار بہروز سبزواری نے ایکسپریس نیوز سے خصوصی بات چیت کرتے ہوئے کہا کہ شہروز سبزواری اور سائرہ شہروز کے درمیان طلاق کی خبریں بے بنیاد ہیں، سائرہ شہروز ناراضگی کی وجہ سے 6 ماہ سے اپنے میکے میں ہیں۔

بہروز سبزواری نے کہا کہ خاندان کے بزرگ دونوں کے درمیان رنجشیں ختم کرانے کی کوشش کررہے ہیں، شادی شدہ جوڑوں میں اس طرح کی ناراضگیاں کوئی نئی بات نہیں۔

واضح رہے کہ گزشتہ روز لیجنڈی اداکار بہروز سبزواری کے صاحبزاے شہروز سبزواری نے اپنی اہلیہ سائرہ شہروز سے علیحدگی کی تصدیق کی تھی، دوسری جانب یہ خبریں بھی زیر گردش ہیں کہ اداکار شہروز سبزواری اور اداکارہ صدف کنول کے درمیان کچھ چل رہا ہے اور بہت سے لوگ میاں بیوی کے درمیان 7 سالہ رفاقت کے خاتمے کو یہی وجہ قرار دے رہے ہیں۔