- حماس نے غزہ میں قید اسرائیلی یرغمالی کی نئی ویڈیو جاری کردی
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- ملک کے ساتھ بہت تماشا ہوگیا، اب نہیں ہونے دیں گے، فیصل واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
- جب سے چیف جسٹس بنا کسی جج نے مداخلت کی شکایت نہیں کی، چیف جسٹس فائز عیسیٰ
- چوتھا ٹی ٹوئنٹی: نیوزی لینڈ کا پاکستان کو 179 رنز کا ہدف
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
مقبوضہ کشمیر کی کوریج پر فیس بک نے ریڈیو پاکستان کی براہ راست نشریات بند کردیں
اسلام آباد: مقبوضہ کشمیر کی کوریج پر فیس بک انتظامیہ نے ریڈیو پاکستان کے آفیشل پیج پر براہ راست نشریات دو ماہ کے لیے بند کردیں۔
اطلاعات کے مطابق فیس بک انتظامیہ نے جمعہ کی صبح سے ریڈیو پاکستان کی خبروں کی براہ راست نشریات دو ماہ کے لیے بند کر دی ہیں جس کے بعد ریڈیو پاکستان کی براہ راست نشریات یوٹیوب آفیشل پیج پر نشر کی جارہی ہیں۔ اتوار کے روز فیس بک انتظامیہ نے ریڈیو پاکستان کو متنبہ کیا کہ دو پوسٹ فیس بک کمیونٹی کے معیارات کے منافی ہیں لہذا ریڈیو پاکستان کی خبروں کی براہ راست نشریات دو ماہ کے لیے بند کی جارہی ہیں۔
فیس بک انتظامیہ نے مزید خبردارکیا کہ اگر ریڈیو پاکستان کی پوسٹس فیس بک کے معیارات پر پورا نہیں اتریں گی تو آئندہ خبر پوسٹس کرنے اور کمنٹ کرنے کی سہولت سے بھی ادارے کو محروم کر دیا جائے گا۔
دوسری جانب ریڈیو پاکستان کی انتظامیہ نے فیصلے کی مذمت کرتے ہوئے کہا ہے کہ مقبوضہ کشمیر کی خبریں نشر کرنے پر فیس بک انتظامیہ نے ہماری لائیو اسٹریمنگ بند کی، ریڈیو پاکستان نیوز، کرنٹ افیئرز چینل اور سوشل میڈیا نے 5 اگست کے بعد مقبوضہ کشمیر میں پیدا ہونے والی سنگین صورتِ حال کے ساتھ ساتھ پاکستان اور ہندوستان کے درمیان حالیہ بڑھتی ہوئی کشیدگی کے حوالے سے بھی واقعات کو بڑے پیمانے پر کور کیا تھا۔
ریڈیو پاکستان نے وہ اسکرین شاٹس بھی جاری کیے ہیں، جن میں انہیں ماضی میں فیس بک کی طرف سے کچھ مضامین کے شائع کرنے پر خبردار کیا گیا تھا۔ یہ مضامین کشمیری حریت رہنما برہان وانی کے بارے میں تھے۔
ریڈیو پاکستان کے مطابق وہ خطے میں بھارتی ریاستی دہشت گردی کی اصل تصویر پیش کر رہا ہے جو دشمنوں کے لیے ہضم کرنا مشکل ہو رہا ہے۔
یاد رہے کہ ماضی میں بھارتی ریاست تامل ناڈو میں منعقدہ ایک تقریب سے خطاب کرتے ہوئے بھارتی وزیراعظم نریندرا مودی نے ریڈیو پاکستان کی کوریج پر شدید غصے کا اظہار کیا تھا۔ انہوں نے اپنی حکومت کے خلاف بیانات پر اپوزیشن جماعت کانگرس کو بھی تنقید کا نشانہ بنایا تھا جن کے بیانات ریڈیو پاکستان نے شائع کیے تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔