ڈونلڈ ٹرمپ کی ایران کے 52 حساس ترین مقامات کو نشانہ بنانے کی دھمکی

ایران نےحملہ کیا تو اس 52 اہم اور حساس مقامات کونشانہ بنائیں گے،امریکی صدر

ویب ڈیسک اتوار 5 جنوری 2020

نیویارک: امریکی صدر ڈونلڈ ٹرمپ کا کہنا ہے کہ عراق میں امریکی ٹھکانوں پر حملوں کا سخت جواب دیا جائے گا۔

گزشتہ روز عراق کے دارالحکومت بغداد میں قائم امریکی ایئربیس اور امریکی فوجیوں کی رہائشی کالونی پر ہونے والے راکٹ حملوں پر امریکی صدر ڈونلڈ ٹرمپ نے ردعمل دیتے ہوئے کہا ہے کہ عراق میں امریکی ٹھکانوں پرحملوں کاسخت جواب دیاجائےگا۔

اس خبرکوبھی پڑھیں: بغداد میں امریکی ایئربیس اور سفارت خانے پر راکٹ حملے

امریکی صدر نے کہا ایران نے حملہ کیا تو اس کے 52 اہم اور حساس ترین مقامات کونشانہ بنائیں گے۔

اس خبرکوبھی پڑھیں: جنرل قاسم سلیمانی کو جنگ روکنے کے لیے ہلاک کیا

بین الاقوامی میڈیا کے مطابق گزشتہ روز امریکی ٹھکانوں پر ہونے والے راکٹ حملوں کا ہدف امریکی شہری اور امریکن ایئربیس تھی۔ ممکنہ طور پر یہ ایرانی جنرل قاسم سلیمانی کی ہلاکت کا ردعمل ہے۔