میٹروبس انتظامیہ کی نجی کمپنی سے کامیاب مذاکرات کے بعد ہڑتال ختم

راولپنڈی: میڑو بس اتھارٹی کی انتظامیہ نے نجی کمپنی سے کامیاب مذاکرات کے بعد ہڑتال ختم کرنے کا اعلان کردیا۔

ایکسپریس نیوز کے مطابق  میڑو بس سروس کے ٹکٹنگ اسٹاف نے تنخواہیں بروقت نہ ملنے پر ہڑتال کررکھی تھی جس کے باعث جڑواں شہروں میں روزانہ ایک لاکھ 15  ہزار سے زائد سفر کرنے والےشہریوں کو شدید مشکلات کا سامنا کرنا پڑ رہا تھا۔

انتظامیہ میڑو بس اتھارٹی کے مطابق ٹکٹنگ اسٹاف میں آوٹ سروس کمپنی کے ملازم نے ہڑتال کی تاہم نجی کمپنی انتظامیہ اور ملازمین میں مذکرات کامیاب ہوگئے ہیں جس کے بعد آپریشن شروع کررہے ہیں۔ ذرائع کا کہنا ہے کہ کمپنی انتظامیہ کی تنخواہیں 22 تاریخ کودینے کی یقین دہانی  کروائی ہے۔