اے این ایف نے راناثناءاللہ کی ضمانت سپریم کورٹ میں چیلنج کردی

ویب ڈیسک  بدھ 15 جنوری 2020
لاہور ہائیکورٹ نے رانا ثناء اللہ کو حقائق اور قانون کے متصادم ضمانت دی، اے این ایف۔ فوٹو : فائل

لاہور ہائیکورٹ نے رانا ثناء اللہ کو حقائق اور قانون کے متصادم ضمانت دی، اے این ایف۔ فوٹو : فائل

 اسلام آباد: اے این ایف نے راناثناء اللہ کی ضمانت منسوخی کے لیے سپریم کورٹ میں درخواست دائر کردی۔

اے این ایف کی جانب سے سپریم کورٹ میں دائر درخواست میں موقف اپنایا گیا ہے کہ لاہور ہائیکورٹ نے رانا ثناء اللہ کو حقائق اور قانون کے متصادم ضمانت دی، لاہور ہائیکورٹ کا فیصلہ نہ صرف ٹرائل پر اثر انداز ہوگا بلکہ اعلیٰ عدلیہ کے طے شدہ اصولوں کے متصادم بھی ہے۔

واضح رہے کہ گزشتہ سال جولائی میں اینٹی نارکوٹکس فورس نے رانا ثنااللہ کو موٹر وے سے گرفتار کرکے گاڑی سے 15 کلو گرام منشیات برآمدگی کا دعویٰ کیا تھا جب کہ گزشتہ ماہ لاہور ہائی کورٹ نے رانا ثنا اللہ کو ضمانت پر رہا کرنے کا حکم دیا تھا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔