مقبوضہ کشمیر میں بھارتی فوجی کی خودکشی

ویب ڈیسک  ہفتہ 18 جنوری 2020
مقبوضہ کشمیر میں 2007 سے اب تک خودکشی کرنے والے بھارتی فوجیوں کی تعداد 444 ہوگئی

مقبوضہ کشمیر میں 2007 سے اب تک خودکشی کرنے والے بھارتی فوجیوں کی تعداد 444 ہوگئی

 سری نگر: مقبوضہ کشمیر میں بھارتی فوجی نے خودکشی کرلی۔

کشمیر میڈیا سروس کے مطابق جموں کے ضلع ادھم پور میں واقع چھاؤنی میں تعینات سپاہی کمار نے اپنی رائفل سے خود کو گولی مار کر اپنی زندگی کا خاتمہ کرلیا۔

ہلاک سپاہی بھارتی ریاست پنجاب کے علاقے ہوشیار پور کا رہنے والا تھا اور واقعے کے وقت گارڈ ڈیوٹی پر تھا۔ مقبوضہ کشمیر میں 2007 سے اب تک خودکشی کرنے والے بھارتی فوجیوں کی تعداد 444 ہوگئی ہے۔

واضح رہے کہ مقبوضہ کشمیر میں افسران کے ناروا و ہتک آمیز سلوک اور کشیدہ حالات کے باعث شدید اعصابی دباؤ سے تنگ آکر بھارتی فوج کے اہلکار اپنے ہاتھوں اپنی زندگی کا خاتمہ کرلیتے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔