مسخرہ اور شیطانی حکومت کہنے پر ٹرمپ ایران کے سپریم لیڈر پر برہم

واشنگٹن / تہران: امریکی صدر ڈونلڈ ٹرمپ نے ایران کے سپریم لیڈر آیت اللہ خامنہ ای کو مخاطب کرتے ہوئے کہا ہے کہ الفاظ کا درست چناؤ کیا کریں۔

بین الاقوامی خبر رساں ادارے کے مطابق ایران کے روحانی پیشوا آیت اللہ خامنہ ای نے نماز جمہ سے قبل اپنی تقریر میں صدر ٹرمپ کو مسخرہ کہا تھا جب کہ ایک ٹویٹ میں ٹرمپ حکومت کو شیطانی حکومت قرار دیا تھا جس پر امریکی صدر نے سخت برہمی کا اظہار کیا ہے۔

صدر ڈونلڈ ٹرمپ نے ایرانی صدر کو مخاطب کرتے ہوئے کہ ’ میرے بارے میں گفتگو کرتے ہوئے الفاظ کے چناؤ کا خیال رکھا کریں‘۔ جس کے بعد ایک موقع پر سماجی رابطے کی ویب سائٹ ٹویٹر پر دونوں کے درمیان تلخ ’ٹویٹس‘ کا تبادلہ بھی ہوا جس سے دونوں ممالک کے درمیان تناؤ صاف ظاہر ہو رہا تھا۔

The villainous US govt repeatedly says that they are standing by the Iranian ppl. They lie. If you are standing by the Iranian ppl, it is only to stab them in the heart with your venomous daggers. Of course, you have so far failed to do so, & you will certainly continue to fail. pic.twitter.com/InyE31p12k

— Khamenei.ir (@khamenei_ir) January 17, 2020

ایران کے سپریم لیڈر آیت اللہ خامنہ ای نے صدر ٹرمپ کی ایک ٹویٹ کا عکس شیئر کیا جس میں امریکی صدر نے ایرانی عوام کو عرصے سے مشکلات کا شکار قوم کہتے ہوئے کہا تھا کہ میں اپنے صدارتی دور کے اوائل سے ہی ہر ہڑتال اور احتجاج کا جائزہ لے رہا ہوں اور اس پر میں اور میری حکومت آپ کیساتھ کھڑی ہے۔

آیت اللہ خامنہ ای نے جوباً لکھا کہ امریکا کی شیطانی حکومت باربار ایرانی عوام کے ساتھ اظہار یکجہتی کا جھوٹا راگ الاپ رہی ہے۔ اگر امریکا ایرانیوں کیساتھ کھڑا بھی ہے تو صرف اپنے زہر آلود خنجر سے دل پر وار کرنے کے لیے ہے اور ایسا کرنے میں امریکا ناکام رہا ہے اور آئندہ بھی رہے گا۔

مردم نجیب ایران، که آمریکا را دوست می دارند، سزاوار دولتی هستند که بیش از تمرکز بر کشتن آنها به جرم احترام خواهی، به آنها کمک کند تا به رؤیاهایشان دست یابند. رهبران ایران به جای آن که ایران را به سمت ویرانی بکشانند، باید هراس افکنی را کنار بنهند و ایران را دوباره باعظمت کنند! https://t.co/RLjGsC5WLc

— Donald J. Trump (@realDonaldTrump) January 17, 2020

ٹویٹر پر فعال امریکی صدر نے بھی ایران کی قومی زبان فارسی میں جواب دیا کہ ’ امریکا سے محبت کرنے والی ایران کی غیور قوم ایسی حکومت کی حقدار ہے جو ان کے خوابوں کو پورا کرسکے نا کہ وہ حکومت جو انتقام کی آگ میں اپنے ہی عوام کو جھونک دے۔ ایرانی قیادت کو دہشت گردی ختم کرکے ایران کو روشن خیالی کی جانب گامزن کرنا ہوگا۔