ڈرامہ ’میرے پاس تم ہو‘ میں سپر ڈپر پرفارمنس دکھانے والے خوبصورت اداکارہ عائزہ خان کو پاکستان انٹرنیشنل اسکرین ایوارڈ کے لیے بطور بہترین اداکارہ نامزد کیا گیا ہے۔ 

ڈرامہ میرے پاس تم ہو کی دھوم پاکستان میں ہی نہیں بلکہ عالمی سطح پر بھی اس ڈرامے کو بھر پور پذیرائی مل رہی ہے، ڈرامے کی کامیابی سے مصنف اور کاسٹ دونوں ہی کی شہرت دیکھتے ہی دیکھتے بلندیوں کو چھونے لگی ہے۔

یوں تو اس ڈرامے میں جس کردار کو سب سے زیادہ تنقید کا نشانہ بنایا جا رہا ہے وہ ’مہوش‘ ہے جو حد سے زیادہ چاہنے والے شوہر (دانش) یعنی ہمایوں سعید کیساتھ بے وفائی کرتے ہوئے کامیاب بزنس مین عدنان صدیقی سے پیار کی پینگیں بڑھاتی ہے۔

’’میرے پاس تم ہو‘‘ سینما گھروں میں بھی دھاک بٹھانے کے لیے تیار

بے وفا اور لالچی بیوی ہونے کی وجہ سے ’مہوش‘ کو ناظرین اور مداحوں نے خوب آڑے ہاتھوں بھی لیا لیکن دوسری جانب اس کردار کو بہترین طریقے سے نبھانے پر عائزہ خان کے خوب چرچے بھی ہوئے۔ ایسا کم ہی ہوتا ہے کہ کردار پر تنقید ہو لیکن اداکار کو سراہا جائے۔

View this post on Instagram

Thankyou for the nomination @pisacompk

A post shared by Ayeza Khan (@ayezakhan.ak) on Jan 16, 2020 at 11:12pm PST

عائزہ خان نے سماجی رابطے کی ویب سائٹ انسٹاگرام پر ایک پوسٹ میں اپنے مداحوں کیساتھ ایک اہم خبر شیئر کی ہے کہ عالمی ادارے پاکستان انٹرنیشنل اسکرین ایوارڈ کے لیے عائزہ خان کی بہترین اداکارہ کے طور پر نامزدگی کی گئی ہے۔ ایوارڈ کی تقریب 7 فروری کو دبئی میں ہوگی۔