تازہ ترین

میکسیکو کے ساحل سے اداکارہ ماہرہ خان کا تصویری سفرنامہ

ان دنوں ماہرہ خان میکسیکو میں اپنے اہل خانہ اور دوستوں کے ہمراہ تعطیلات منانے میں مصروف ہیں

ویب ڈیسک ہفتہ 18 جنوری 2020

ان دنوں ماہرہ خان میکسیکو میں اپنے اہل خانہ اور دوستوں کے ہمراہ تعطیلات منانے میں مصروف ہیں (فوٹو: فائل)

اداکارہ ماہرہ خان اپنی ماڈلنگ اور اداکاری کے بعد جس چیز کے لیے سب سے زیادہ شہرت رکھتی ہیں وہ اُن کا سوشل میڈیا کے ذریعے ہر وقت اپنے مداحوں سے رابطے میں رہنا ہے، وہ جو سوچتی ہیں، جس طرح چیزوں کو دیکھتی ہیں اور جو محسوس کرتی ہیں اس کا برملا اظہار کردیتی ہیں۔

ماہرہ خان ان دنوں مصروفیات کے بوجھ کو کم کرنے کے لیے شوبز کی چمکتی دمکتی دنیا سے دور میکسیکو میں اپنے اہل خانہ اور دوستوں کے ہمراہ تعطیلات منا رہی ہیں لیکن ان دنوں بھی وہ اپنے مداحوں کو نہیں بھولیں اس لیے پے در پے تصاویر شیئر کر رہی ہیں اور ساتھ ہی برمحل کیپشن دے کر مداحوں کو اس سفر میں شرکت کا موقع فراہم کرہی ہیں۔

View this post on Instagram

The arrival P.S swipe ➡️

A post shared by Mahira Khan (@mahirahkhan) on Jan 15, 2020 at 11:35pm PST

یہ تصاویر ایک چین کی کڑیوں کی طرح ایک دوسرے سے اس طرح جڑی ہیں جیسے یہ کوئی تصویری سفرنامہ ہو، اپنی پہلی انسٹا گرام پوسٹ میں ماہرہ خان نے محو پرواز طیارے کی کھڑکی سے زمین کے کھیت کھلیان کی خوبصورت تصاویر کھینچیں اور ورلڈ ٹور کی نوید سنائی۔

View this post on Instagram

Is this love that I’m feelin’ ? A post shared by Mahira Khan (@mahirahkhan) on Jan 18, 2020 at 2:55am PST

View this post on Instagram

A post shared by Mahira Khan (@mahirahkhan) on Jan 16, 2020 at 12:10am PST

اپنی دیگر پوسٹوں میں ماہرہ خان نے ایک سبق آموز اقتباس شیئر کیا کہ آخر میں صرف تین چیزوں کی حیثیت باقی رہ جاتی ہے ایک یہ کہ آپ کتنا پیار کرتے ہیں؟ دوم آپ کتنی دیانت داری سے زندگی بسر کرتے ہیں؟ اور سوم کتنی خوش مزاجی سے کسی بھی چیز سے علیحدہ ہوجاتے ہیں۔

View this post on Instagram

Art gets served in every nook and corner of the town.. A post shared by Mahira Khan (@mahirahkhan) on Jan 16, 2020 at 1:07am PST

ماہرہ خان نے ایک آرٹ پیس بھی شیئر کیا جسے مداحوں نے خوب سراہا، اسی طرح اہل خانہ کے ہمراہ تصویر شیئر کرتے ہوئے لکھا کہ سفر کتنا اچھا ہو اس کے لیے ضروری ہے کہ آپ کے ساتھ موجود ہم سفر کس مزاج کے لوگ ہیں؟ اس تصویر میں اہل خانہ تعطیلات سے بھرپور طریقے سے لطف اندوز ہوتے نظر آرہے ہیں۔

View this post on Instagram

Life has taught me.. you can travel to the most beautiful places, plan the best trips, land a dream role but if you don’t have the right people beside you it means nothing. Moments like these with people that matter, makes everything worth it ⛲️ #fawarafamily

A post shared by Mahira Khan (@mahirahkhan) on Jan 17, 2020 at 7:06pm PST

جہاں ان تصاویر نے مداحوں کے دلوں کو موہ لیا وہیں ایک تصویر سے سوشل میڈیا صارفین تجسس میں مبتلا ہوگئے جس میں ماہرہ خان اپنی دائیں جانب کچھ دیکھ رہی ہے جب کہ وہ تصویر میں کچھ سوچتے ہوئے بھی دکھائی دے رہی ہیں، ساتھ ہی انہوں نے کیپشن میں لکھا کہ ’کیا یہ پیار ہے؟ جو میں اس وقت محسوس کر رہی ہوں‘