چینی اور آٹے کے بحران میں حکومت سے کوتاہی ہوئی ہے، گورنر پنجاب

ویب ڈیسک  پير 20 جنوری 2020
چینی اورآٹے کے بحران پرجلد قابو پالیا جائے گا، چوہدری محمد سرور

چینی اورآٹے کے بحران پرجلد قابو پالیا جائے گا، چوہدری محمد سرور

لاہور: گورنرپنجاب چوہدری محمد سرور کا کہنا ہے کہ چینی اور آٹے کے بحران میں کہیں نہ کہیں حکومت سے کوتاہی ہوئی ہے۔

آٹے اور چینی کی قیمتوں میں اضافے پر گورنر پنجاب چوہدری محمد سرور نے ایک بیان میں کہا کہ چینی اورآٹے کے بحران پرجلد قابو پالیا جائے گا تاہم اس بحران میں کہیں نہ کہیں حکومت سے کوتاہی ہوئی ہے، پنجاب دوسرے صوبوں کو گندم کے حوالے سے مدد کررہا ہے، اپنےدوستوں کو کہتاہوں ہمیں احتیاط سے مستقبل کی پلاننگ کرنا چاہئے۔

واضح رہے ملک میں آٹے کی قیمتیوں میں اضافے کے بعد آج چینی کی قیمت میں بھی فی کلو 5 روپے اضافہ کردیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔