بھارت میں غریب ہندو لڑکی کی شادی کیلیے مسلمانوں نے مسجد کے دروازے کھول دیئے

کیرالہ: بھارت میں شادی کے اخراجات کے لیے پیسے جمع نہ کرپانے والی ہندو ماں کی داد رسی کے لیے مقامی مسجد کی کمیٹی نے نہ صرف شادی کے لیے 100 سالہ قدیم مسجد میں جگہ دی بلکہ تحفے میں زیورات اور رقم بھی دی۔

بھارتی میڈیا کے مطابق مذہب رواداری ، بھائی چارے اور انسانیت کے جذبے سے لبریز شادی کی یہ انوکھی تقریب ریاست کیرالہ میں منعقد ہوئی جہاں مالی مشکلات کا سامنا کرنے والے ہندو جوڑے کی شادی کی تقریب کے لیے مقامی قدیم مسجد کی کمیٹی نے مسجد میں ہی جگہ دے دی۔

100 سالہ قدیم مسجد میں جوڑے کی شادی مکمل طور پر ہندو رسومات کے تحت منعقد ہوئی۔ جس میں ہندوؤں کے علاوہ مسلمانوں کی بھی بڑی تعداد نے شرکت کی۔ تقریب کے تمام انتظامات بھی مقامی مسلم کمیونٹی اور مسجد کمیٹی نے ہی ادا کیے۔

Kerala: A Hindu couple tied knot at Cheruvally Muslim Jamaat mosque in Alappuzha's Kayamkulam, today. After the girl's mother was unable to raise money for the wedding, the mosque committee decided to help her and the marriage was performed as per Hindu rituals. pic.twitter.com/Fnzb7eBQUf

— ANI (@ANI) January 19, 2020

مقامی مسلمانوں کی جانب سے نو بیاہتا ہندو جوڑے کو تحفے میں زیورات اور تحفے بھی پیش کیے گئے جب کہ مہمانوں کے لیے کھانے کا بھی انتظام کیا گیا تھا، میزبانی کے تمام فرائض مسجد کی کمیٹی کے ارکان اور مسلم اہل محلہ نے ادا کیے۔