یوم جمہوریہ پر کانگریس رہنماؤں کی ایکدوسرے پر تھپڑوں کی بارش، ویڈیو وائرل

اندور: بھارت میں یوم جمہوریہ کی ایک تقریب میں جھنڈا لہرانے پر ریاست کی حکمراں جماعت کے رہنما آپس میں ہی جھگڑ پڑے اور ایک دوسرے پر تھپڑوں کی بارش کردی۔

بھارتی میڈیا کے مطابق ریاست مدھیہ پردیش کے شہر اندور میں یوم جمہوریہ کی مناسبت سے ایک تقریب منعقد کی گئی جس کے مہمان خصوصی وزیراعلیٰ کمل ناتھ تھے تاہم تقریب  ریاست کی حکمراں جماعت کانگریس کے مقامی رہنماؤں کے آپسی جھگڑے اور ہلڑ بازی کی نذر ہوگئی۔

#WATCH Madhya Pradesh: Two Congress leaders, Devendra Singh Yadav and Chandu Kunjir, entered into a brawl during the flag hoisting ceremony during #RepublicDay celebrations at the party office in Indore. They were later calmed down with the help of police intervention. pic.twitter.com/Q9NcEJ3Sw5

— ANI (@ANI) January 26, 2020

جھنڈا لہرانے کے وقت کانگریس رہنما دیوندر سنگھ یادیو اور چندو کونجیر کے درمیان کسی بات پر تلخ کلامی ہوگئی جس کے بعد دونوں رہنماؤں نے تقریب کی اہمیت اور کیمروں کی موجودگی کو نظر انداز کرتے ہوئے ایک دوسرے کو تھپڑ مارے اور مغلظات بکیں۔

یہ خبر پڑھیں : بھارتی یوم جمہوریہ پر مقبوضہ کشمیر میں ریاستی دہشت گردی میں تیزی، 3 نوجوان شہید

تقریب میں موجود سیکیورٹی اہلکاروں نے گتھم گتھا رہنماؤں کو بہ مشکل ایک دوسرے سے علیحدہ کیا۔ دونوں رہنماؤں کے درمیان جھگڑے کی وجوہات سامنے نہیں آسکی ہیں۔ بعد ازاں وزیراعلیٰ کمل ناتھ نے بھارتی جھنڈا لہرا کر تقریب کا آغاز کیا۔

یہ خبر بھی پڑھیں : دنیا بھر میں کشمیری آج بھارت کا یوم جمہوریہ یوم سیاہ کےطور پر منا رہے ہیں

واضح رہے کہ بھارت میں آج نام نہاد یوم جمہوریہ منایا جا رہا ہے تاہم کشمیریوں اور دیگر علیحدگی پسند جماعتوں نے اس دن کو یوم سیاہ کے طور پر منایا۔ آسام میں چار گرنیڈ حملے ہوئے جب کہ اوڈیشہ میں بھی ماؤ نواز باغیوں اور سرکاری اہلکاروں کے درمیان جھڑپیں ہوئیں۔