لکی مروت میں پولیس مقابلہ؛ 14 افراد کے قتل کا ملزم 3 ساتھیوں سمیت ہلاک

ویب ڈیسک  منگل 28 جنوری 2020
مقابلے میں دو پولیس اہلکار بھی زخمی ہوئے ہیں، پولیس فوٹو: فائل

مقابلے میں دو پولیس اہلکار بھی زخمی ہوئے ہیں، پولیس فوٹو: فائل

لکی مروت: پہاڑخیل پکہ میں پولیس مقابلے کے دوران 14 افراد کے قتل کا اشتہاری ملزم اپنے 3 ساتھیوں سمیت ہلاک ہوگیا۔

ایکسپریس نیوز کے مطابق لکی مروت کے تھانہ غزنی خیل کی حدود میں واقع پہاڑی سلسلے میں پولیس نے اشتہاری ملزمان کی موجودگی کی اطلاع پر کارروائی کی۔ پولیس کو دیکھ کر ملزمان نے فائرنگ شروع کردی۔ فائرنگ کے تبادلے میں 4 ملزمان ہلاک جب کہ 2 پولیس اہلکار زخمی ہوگئے۔

پولیس کا کہنا ہے کہ ہلاک ہونے والوں میں ایک خاتون بھی شامل ہے، ہلاک افراد کی شناخت انعام مروت، مرسلین اور بلقیاز کے نام سے ہوئی ہے جب کہ خاتون بلقیاز کی بہن ہے۔

پولیس کا کہنا ہے کہ انعام مروت نے چند ماہ قبل ٹانک کے قریب ایک مسافر کوچ اور موٹر سائیکل پر فائرنگ کی تھی جس کے نتیجے میں 14 افراد جاں بحق جب کہ متعدد زخمی ہوگئے تھے۔ اس کے علاوہ انعام مروت ٹانک پولیس کو درجنوں دیگر مقدمات میں بھی مطلوب تھا اور صوبائی حکومت نے اس کے سر کی قیمت مقرر کررکھی تھی۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔