شاہد آفریدی کے گھر بیٹی کی پیدائش

ویب ڈیسک  جمعـء 14 فروری 2020
 مجھ پر اللہ تعالیٰ کی بے پناہ رحمتیں اور برکتیں ہیں، شاہد آفریدی . فوٹو : فائل

مجھ پر اللہ تعالیٰ کی بے پناہ رحمتیں اور برکتیں ہیں، شاہد آفریدی . فوٹو : فائل

 کراچی: پاکستانی کرکٹ ٹیم کے سابق کپتان شاہد آفریدی کے گھر بیٹی کی پیدائش ہوئی ہے۔

قومی کرکٹ ٹیم کے سابق کپتان شاہد آفریدی کے گھر بیٹی کی پیدائش ہوئی ہے جس کی تصویر انہوں نے اپنی دیگر بیٹیوں کے ہمراہ سماجی رابطے کی ویب سائٹ پر شیئر کی ہے جس میں وہ بے حد خوش دکھائی دے رہے ہیں۔

شاہد آفریدی نے نئی ننھی مہمان کی آمد کا اعلان کرتے ہوئے لکھا کہ مجھ پر اللہ تعالیٰ کی بے پناہ رحمتیں اور برکتیں ہیں، میری پہلے ہی 4 بہت خوبصورت بیٹیاں ہیں اور اب اللہ تعالیٰ نے مجھے ایک اور بیٹی سے نوازا ہے جس کی میں اپنے تمام خیر خواہوں کے ساتھ خبر شیئر کر رہا ہوں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔