پشاور زلمی کی ٹیم نے بلند حوصلوں کے ساتھ تیاریاں شروع کر دیں

اسپورٹس رپورٹر  ہفتہ 15 فروری 2020
پریکٹس سیشن میں فزیکل ٹریننگ کے بعد کھلاڑیوں نے فٹبال کھیلی اور نیٹ پربولنگ و بیٹنگ کی مشقیں کیں۔ فوٹو: سوشل میڈیا

پریکٹس سیشن میں فزیکل ٹریننگ کے بعد کھلاڑیوں نے فٹبال کھیلی اور نیٹ پربولنگ و بیٹنگ کی مشقیں کیں۔ فوٹو: سوشل میڈیا

کراچی: پی ایس ایل سیزن 5 کیلیے پشاور زلمی کی ٹیم نے بلند حوصلوں کے ساتھ تیاریاں شروع کر دیں۔

نیشنل اسٹیڈیم کراچی میں گذشتہ روز پہلا پریکٹس  سیشن منعقد ہوا،ہیڈکوچ محمد اکرم نے تمام کھلاڑیوں کوخوش آمدید کہا،ان میں ویسٹ انڈیز کے ڈیرن سیمی سمیت پاکستانی کرکٹرز شعیب ملک، امام الحق، کامران اکمل،حسن علی،وہاب ریاض،راحت علی، عادل امین اورحیدرعلی خان بھی شامل تھے، تمام سینئراورجونیئر کھلاڑیوں  نے عمدہ کارکردگی دکھانے کا عزم ظاہر کیا۔

پریکٹس سیشن میں فزیکل ٹریننگ کے بعد کھلاڑیوں نے فٹبال کھیلی اور نیٹ پربولنگ و بیٹنگ کی مشقیں کیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔