- خیبرپختونخوا میں بلدیاتی نمائندوں کا اختیارات نہ ملنے پراحتجاج کا اعلان
- پشین؛ سیکیورٹی فورسز کی کارروائی میں3 دہشت گرد ہلاک، ایک زخمی حالت میں گرفتار
- لاپتہ کرنے والوں کا تعین بہت مشکل ہے، وزیراعلیٰ بلوچستان
- سائفر کیس میں بانی پی ٹی آئی کو سزا سنانے والے جج کے تبادلے کی سفارش
- فافن کی ضمنی انتخابات پر رپورٹ،‘ووٹوں کی گنتی بڑی حد تک مناسب طریقہ کار پر تھی’
- بلوچستان کے علاقے نانی مندر میں نایاب فارسی تیندوا دیکھا گیا
- اسلام آباد ہائیکورٹ کا عدالتی امور میں مداخلت پر ادارہ جاتی ردعمل دینے کا فیصلہ
- عوام کو ٹیکسز دینے پڑیں گے، اب اس کے بغیر گزارہ نہیں، وفاقی وزیرخزانہ
- امریکا نے ایران کیساتھ تجارتی معاہدے کرنے والوں کو خبردار کردیا
- قومی اسمبلی میں دوران اجلاس بجلی کا بریک ڈاؤن، ایوان تاریکی میں ڈوب گیا
- سوئی سدرن کے ہزاروں ملازمین کو ریگولرائز کرنے سے متعلق درخواستیں مسترد
- بہیمانہ قتل؛ بی جے پی رہنما کے بیٹے نے والدین اور بھائی کی سپاری دی تھی
- دوست کو گاڑی سے باندھ کر گاڑی چلانے کی ویڈیو وائرل، صارفین کی تنقید
- سائنس دانوں کا پانچ کروڑ سورج سے زیادہ طاقتور دھماکوں کا مشاہدہ
- چھوٹے بچوں کے ناخن باقاعدگی سے نہ کاٹنے کے نقصانات
- ایرانی صدر کا دورہ کراچی، کل صبح 8 بجے تک موبائل سروس معطل رہے گی
- ایرانی صدر ابراہیم رئیسی کی کراچی آمد، مزار قائد پر حاضری
- مثبت معاشی اشاریوں کے باوجود اسٹاک مارکیٹ میں مندی کا رجحان
- اقوام متحدہ کے ادارے پر حماس کی مدد کا اسرائیلی الزام جھوٹا نکلا
- نشے میں دھت مسافر نے ایئرہوسٹس پر مکے برسا دیئے؛ ویڈیو وائرل
خیبرپختونخوا میں سرکاری وغیرسرکاری اسپتالوں میں انتقال خون مراکز کی رجسٹریشن شروع
پشاور: خیبر پختونخوا بلڈ ٹرانسفیوژن اتھارٹی نے ریگولیشنز وضع کرنے کے بعد صوبے بھر میں سرکاری اور غیر سرکاری اسپتالوں کے بلڈ بینکوں اور پرائیویٹ انتقال خون مراکز کی باضابطہ رجسٹریشن شروع کر دی۔
ابتدائی طور پانچ بلڈ بینکوں اور انتقال خون مراکز کو لائسنس جاری کر دیئے ہیں جبکہ اضلاع میں اتھارٹی ٹیم مزید اسپتالوں کے بلڈ بینکوں اور انتقال خون مراکز کے دورے کررہی ہے جنہیں مطلوبہ معیار پر پورا اترنے کے بعد لائسنس جاری کیا جائے گا۔
اتھارٹی کی دستاویز کے مطابق شوکت خانم میموریل کینسر اسپتال اینڈ ریسرچ سینٹر پشاور، رحمان میڈیکل انسٹی ٹیوٹ پشاور، فاطمید فاؤنڈیشن اینڈ تھیلیسیمیا سینٹر پشاور، ریجنل بلڈ سینٹر پشاور اور برنز اینڈ پلاسٹک سرجری سینٹر پشاور کو لائسنس جاری کئے گئے ہیں۔
یاد رہے کہ صوبائی حکومت نے 2016ء میں خیبر پختونخوا بلڈ ٹرانسفیوژن سیفٹی اتھارٹی ایکٹ منظور کرلیا تھا جس کی روشنی میں خون سے متعلق خدمات فراہم کرنے والے اداروں کو ریگولیٹ کیا جارہا ہے۔2017ء میں ایکٹ پر عملدرآمد کے لئے بلڈ ٹرانسفیوژن سیفٹی ریگولیشنز بنائی گئی تھیں۔ ایکٹ کے تحت بلڈ ٹرانسفیوژن اتھارٹی کو بلڈ بینکوں اور انتقال خون مراکز کی مانیٹرنگ، انسپکشن اور لائسنسنگ کے اختیارات دیئے گئے تھے۔
ایکٹ کے تحت صوبے بھر کے تمام نجی وسرکاری بلڈ بینکوں اور انتقال خون کے مراکز کو رجسٹرکراتے ہوئے لائسنس جاری کئے جارہے ہیں۔ اتھارٹی کی ٹیم نے کنگ عبداللہ ٹیچنگ اسپتال مانسہرہ، سیدو گروپ آف ٹیچنگ اسپتال، سینٹرل اسپتال، نوازشریف کڈنی اسپتال، ڈسٹرکٹ ہیڈ کوارٹر اسپتال مٹہ سوات، ڈسٹرکٹ ہیڈ کوارٹر اسپتال الپوری شانگلہ، ڈسٹرکٹ ہیڈ کوارٹر اسپتال بٹ خیلہ، تحصیل ہیڈ کوارٹر اسپتال درگئی مالاکنڈ، لیڈی ریڈنگ اسپتال، خیبر ٹیچنگ اسپتال، حیات آباد میڈیکل کمپلیکس، انسٹی ٹیوٹ آف کڈنی ڈیسیزز، نارتھ ویسٹ جنرل اسپتال، مرسی ٹیچنگ اسپتال، کویٹ ٹیچنگ اسپتال، فرنٹیئر فاؤنڈیشن، نصیر اللہ خان بابر میموریل اسپتال، نصیر ٹیچنگ اسپتال، مولوی امیر شاہ میموریل اسپتال پشاور، ڈسٹرکٹ ہیڈ کوارٹر اسپتال ہری پور، ڈسٹرکٹ ہیڈ کوارٹر اسپتال ایبٹ آباد، وویمن اینڈ چلڈرن اسپتال ایبٹ آباد کے بلڈ بینکوں کے معائنے کا شیڈول تیار کرتے ہوئے دورے شروع کر دیئے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔