مردانہ حلیے میں موجود اداکارہ کو پہچانیے

ویب ڈیسک  پير 17 فروری 2020
اشنا شاہ نے تصویر کے ساتھ کیپشن میں یہ بھی لکھا کہ ’مرد بنیں‘۔ فوٹو: سوشل میڈیا

اشنا شاہ نے تصویر کے ساتھ کیپشن میں یہ بھی لکھا کہ ’مرد بنیں‘۔ فوٹو: سوشل میڈیا

 کراچی: معروف اداکارہ اشنا شاہ کی مردانہ حلیے میں تصویر وائرل ہو ئی ہے جس میں انہیں پہچاننا نہ ممکن نظرآتا ہے۔

اشنا شاہ نے انسٹام گرام پر تصاویر شیئر کی جس میں ایک شخص سفید شرٹ زیب تن کئے اور ٹائی لگائے پریشانی کے عالم میں کسی ہوٹل میں کرسی پر بیٹھا نظر آرہا ہے۔ درحقیقت یہ تصویر کسی اور کی نہیں بلکہ خود اشنا شاہ کی ہے جوکہ ایک شوٹ کے دوران کی ہے۔

اشنا شاہ نے تصویر کے کیپشن میں یہ بھی لکھا کہ مرد بنیں۔ ساتھ ہی انہوں نے شوٹ سے متعلق  تفصیلات بھی بتائیں۔ لیکن شیئر کردہ اس تصویر نے سوشل میڈیا صارفین کو شش و پنج میں مبتلا کردیا جب کہ صارفین نے مضحکہ خیز انداز میں دلچسپ تبصرے بھی کئے۔

باسط نامی صارف نے کہا کہ اشنا شاہ اس تصویر میں دانش تیمور کا فیمیل ورژن لگ رہی ہیں۔

شہزاد نے کہا کہ کچھ وقت کے لئے مجھے ایسا لگا کہ جیسے یہ واقعی کوئی لڑکا ہو۔

عبد اللہ نامی صارف نےاشنا شاہ کی تعریف کرتے ہوئے کہا کہ آپ لڑکا بن کر بھی پیاری لگ رہی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔