FPCCI کی درآمدی متبادل صنعت کے ذریعے ڈالر کی قدر کم کرنے کی تجویز

پہلے ٹیکس اکٹھا کریں اور پھر اسے مختلف سیکٹرز کے تحت واپس کریں، فیڈریشن آف پاکستان چیمبرز آف کامرس اینڈانڈسٹری

بزنس رپورٹر منگل 18 فروری 2020

پہلے ٹیکس اکٹھا کریں اور پھر اسے مختلف سیکٹرز کے تحت واپس کریں، فیڈریشن آف پاکستان چیمبرز آف کامرس اینڈانڈسٹری۔ فوٹو: فائل

کراچی: ایف پی سی سی آئی کی درآمدی متبادل صنعت کے ذریعے ڈالر کی قدر کم کرنے کی تجویز۔

فیڈریشن آف پاکستان چیمبرز آف کامرس اینڈانڈسٹری کی ایڈ وائزری کو نسل کا اجلاس سابق صدر ایف پی سی سی آئی زکریا عثمان کے زیر نگرا نی منعقد ہوا جس میں سینئر کاروباری افراد، ٹیکس افسران، ٹیکس ماہرین، ماہر معاشیات نے شرکت کی اورحکومت کو تجویز دی کہ وہ درآمدی متبادل صنعت کے قیام کے ذریعے ڈالر کی قیمت کو کم کر نے پر توجہ دیں۔

ٹیکسوں کے حجم میں اضا فے اور ٹیکسو ں کی وصولی کو ٹیکس نیٹ میں شامل کر نے کے ذریعے استغاثہ کی بجائے کم ٹیکس نرخوں پر آسان ٹیکس اسکیم کی پیش کش کریں۔ پہلے ٹیکس اکٹھا کریں اور پھر اسے مختلف سیکٹرز کے تحت واپس کریں۔

ایف پی سی سی آئی بجٹ ایڈوائزری کو نسل کے دوسرے اجلا س کے دوران شرکا نے قیمتی زرمبا دلہ کو بچا نے کے لیے پاکستان کی برآمدات کو بہتر بنانے اور درآمدی متبادل صنعتوں کو فروغ دینے کی تجا ویز پر تبا دلہ خیال کیا۔