اٹارنی جنرل کے لیے خالد جاوید خان کا نام زیر غور

ویب ڈیسک  جمعرات 20 فروری 2020
خالد جاوید خان اس سے پہلے بھی اٹارنی جنرل رہ چکے ہیں۔ فوٹو : فائل

خالد جاوید خان اس سے پہلے بھی اٹارنی جنرل رہ چکے ہیں۔ فوٹو : فائل

 اسلام آباد: وفاقی حکومت کا نئے اٹارنی جنرل کے لیے خالد جاوید خان کے نام پر غور جاری ہے۔

ذرائع کے مطابق نئے اٹارنی جنرل کے لیے خالد جاوید خان کے نام پر غور کیا جارہا ہے، خالد جاوید خان اس سے پہلے بھی اٹارنی جنرل رہ چکے ہیں۔

سپریم کورٹ کے ججز کے خلاف الزام لگانے پر حکومت نے اٹارنی جنرل آف پاکستان انور منصور خان سے استعفیٰ لے لیا جس کے بعد انور منصور نے استعفیٰ صدر مملکت عارف علوی کو بھجواتے ہوئے فوری قبول کرنے کی درخواست کی ہے۔

اٹارنی جنرل انورمنصور خان نے پیر کو جسٹس فائز عیسیٰ کیس میں دلائل شروع کرتے ہوئے سماعت کرنے والے سپریم کورٹ کے 10 رکنی لارجر بنچ میں شامل ججز پر الزام لگایا کہ انہوں نے صدارتی ریفرنس کے خلاف مقدمے کی تیاری میں جسٹس فائز عیسیٰ کی مدد کی ہے اور انہیں مشورے دیے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔