اسلام آباد ایئرپورٹ پر منشیات بیرون ملک اسمگل کرنے کی کوشش ناکام

ویب ڈیسک  اتوار 23 فروری 2020
ملزم کا تعلق چارسدہ سے ہے، ایئرپورٹ حکام فوٹو: فائل

ملزم کا تعلق چارسدہ سے ہے، ایئرپورٹ حکام فوٹو: فائل

 راولپنڈی: ایئرپورٹ پر تعینات اے ایس ایف اہلکاروں نے منشیات بیرون ملک اسمگل کرنے کی کوشش ناکام بنادی۔

حکام کے مطابق نیو اسلام آباد ایئر پورٹ پر تعینات اے ایس ایف اہلکاروں نے ابوظہبی جانے والی نجی ایئرلائن کی پرواز کے مسافر محمد عمیر کے سامان میں موجود الیکٹرک ہیٹر مشکوک پایا، اہلکاروں نے اسے کھولا تو اس میں سے ایک کلو 650 گرام آئس منشیات برآمد ہوئی۔

حکام کا کہنا ہے کہ ملزم کا تعلق چارسدہ سے ہے، ملزم کو حراست میں لے کر تفتیش شروع کردی گئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔