شامی فوج کی اسکول پر بمباری میں اساتذہ اور بچوں سمیت 20 افراد جاں بحق

ادلب: شام میں اتحادی افواج کی بمباری کی زد میں اسکول کی عمارت بھی آگئی جس کے نتیجے میں طلبا اور اساتذہ سمیت 20 افراد جاں بحق ہوگئے۔

عالمی خبر رساں ادارے  کے مطابق شام میں داعش کے آخری ٹھکانے ادلب میں اتحادی افواج کی پیش قدمی جاری ہے، روسی فوج نے فضائی بمباری کی جس کے نتیجے میں اسکول کی عمارت مکمل طور پر تباہ ہوگئی۔

8 schools and kindergartens were deliberately targeted today by the regime’s warplanes and rockets loaded with cluster bombs. 21 people were killed, including teachers. Are school children and teachers the threat the regime and Russia must rid #Syria of?! pic.twitter.com/8m6jdOTGlo

— The White Helmets (@SyriaCivilDef) February 26, 2020

شام میں انسانی حقوق کے مبصر گروپ نے دعویٰ کیا ہے کہ فضائی بمباری میں میزائل اور شیلنگ اسکول کی عمارت میں گرے جس کے نتیجے میں 9 طلبا اور 3 اساتذہ جاں بحق ہوگئے۔ علاوہ ازیں 8 شہری بھی ہلاک ہوئے۔

شام کے علاقے ادلب کے 19 ٹاؤنز اور گاؤں سے اتحادی افواج نے داعش جنگجوؤں سے قبضہ واگزار کروا کر شامی حکومت کی عملداری قائم کردی گئی ہے اور مزید پیش قدمی جاری ہے۔ اس دوران شامی اور ترکی فوج کے درمیان جھڑپوں میں دونوں جانب جانی نقصان بھی ہوا ہے۔

واضح رہے کہ شام کے اکثر علاقوں پر شامی حکومت نے قبضہ حاصل کرلیا ہے تاہم ادلب میں اب بھی جنگجوؤں کی جانب سے مزاحمت کا سامنا ہے، اس علاقے میں ترک فوج بھی کرد جنگجوؤں کیخلاف فوجی کارروائیوں میں مصروف ہے۔