- 190 ملین پاؤنڈز کیس؛ وکلا کی جرح مکمل، مزید 6 گواہوں کے بیان قلمبند
- حکومت تمام اخراجات ادھار لے کر پورا کررہی ہے، احسن اقبال
- لاپتا افراد کا معاملہ بہت پرانا ہے یہ عدالتی حکم پر راتوں رات حل نہیں ہوسکتا، وزرا
- ملائیشیا میں فوجی ہیلی کاپٹرز آپس میں ٹکرا گئے؛ 10 اہلکار ہلاک
- عالمی اور مقامی مارکیٹ میں سونے کی قیمت میں آج بھی بڑی کمی
- قومی ٹیم میں بیٹرز کی پوزیشن معمہ بن گئی
- نیشنل ایکشن پلان 2014 پر عملدرآمد کیلیے سپریم کورٹ میں درخواست دائر
- پختونخوا کابینہ میں بجٹ منظوری کیخلاف درخواست پر ایڈووکیٹ جنرل کو نوٹس
- وزیراعظم کا ٹیکس کیسز میں دانستہ التوا کا نوٹس؛ چیف کمشنر ان لینڈ ریونیو اسلام آباد معطل
- بلوچستان میں 24 تا 27 اپریل مزید بارشوں کی پیشگوئی، الرٹ جاری
- ازبکستان، پاکستان اور سعودی عرب کے مابین شراکت داری کا اہم معاہدہ
- پی آئی اے تنظیم نو میں سنگ میل حاصل، ایس ای سی پی میں انتظامات کی اسکیم منظور
- کراچی پورٹ کے بلک ٹرمینل اور 10برتھوں کی لیز سے آمدن کا آغاز
- اختلافی تحاریر میں اصلاح اور تجاویز بھی دیجیے
- عوام کو قومی اسمبلی میں پٹیشن دائر کرنیکی اجازت، پیپلز پارٹی بل لانے کیلیے تیار
- ریٹائرڈ کھلاڑیوں کو واپس کیوں لایا گیا؟ جواب آپکے سامنے ہے! سلمان بٹ کا طنز
- آئی ایم ایف کے وزیراعظم آفس افسروں کو 4 اضافی تنخواہوں، 24 ارب کی ضمنی گرانٹ پر اعتراضات
- وقت بدل رہا ہے۔۔۔ آپ بھی بدل جائیے!
- خواتین کی حیثیت بھی مرکزی ہے!
- 9 مئی کیسز؛ شیخ رشید کی بریت کی درخواستیں سماعت کیلیے منظور
یورپی یونین بھی نیب کے سیاسی انتقام کی نشاندہی کررہی ہے، بلاول بھٹو زرداری
اسلام آباد: چیئرمین پیپلزپارٹی بلاول بھٹو زرداری نے کہا ہے کہ نیب کے سیاسی انتقام کی یورپی یونین جیسے عالمی ادارے بھی نشان دہی کررہے ہیں۔
قائمہ کمیٹی کے اجلاس کے بعد میڈیا سے بات کرتے ہوئے پیپلزپارٹی کے چیئرمین بلاول بھٹو زرداری کا کہنا تھا کہ ہم نے ملکی معیشت کے لئے جی ایس پی پلس اسٹیٹس کا موقع پیدا کیا تھا، اور دہشت گردی کے شکار پاکستان کی یورپی مارکیٹوں تک رسائی ممکن بنائی، لیکن گزشتہ حکومت سے لے کر اب تک ہم یورپی یونین کی مارکیٹوں تک اپنے تاجروں کی رسائی کے معاملے میں کمزور رہے ہیں۔
بلاول بھٹو کا کہنا تھا کہ ہمارے جی ایس پی پلس اسٹیٹس سے متعلق یورپی یونین کی رپورٹ کافی خطرناک ہے، یورپی یونین نے جی ایس پی پلس کے حوالے سے نیب کے کردار پر سخت تنقید کرتے ہوئے اپنی رپورٹ میں کہا کہ پاکستان میں نیب کو صرف اپوزیشن کے خلاف استعمال کیا جاتا ہے اور نیب حکومتی افراد پر نرم ہاتھ رکھتا ہے۔ ہم پہلے بھی کہتے رہے ہیں کہ نیب کے کردار سے ملکی معیشت کو نقصان ہورہا ہے اور یورپی یونین جیسے عالمی ادارے بھی نیب کے سیاسی انتقام کی نشان دہی کررہے ہیں، چیئرمین نیب کو یورپی یونین کی رپورٹ کے حوالے سے وضاحت دینا ہوگی۔
کرونا وائرس سے متعلق چیئرمین پیپلزپارٹی کا کہنا تھا کہ جب کرونا وائرس کا معاملہ سامنے آیا تو سندھ پہلا صوبہ تھا کہ جس نے جناح اسپتال میں آئسولیشن وارڈ بنایا، لیکن کوئی بھی صوبائی حکومت تنہا کرونا وائرس جیسی وباء کا مقابلہ نہیں کرسکتی، وفاقی حکومت کی ذمہ داری ہے کہ وہ وبائی امراض کا مقابلہ کرے، سندھ اور بلوچستان کی صوبائی حکومتیں اپنی حیثیت کے مطابق کرونا وائرس کے لئے اقدامات کررہی ہیں، سندھ میں کرونا وائرس کا معاملہ جب سامنے آیا تو وفاقی حکومت کے کسی ذمہ دار تک رسائی نہ ہوسکی۔
بلاول بھٹو نے اپنے گزشتہ دنوں بیان کے حوالے سے کہا کہ نواز شریف کے ماضی کے حوالے سے میرے تبصرے کو موجودہ صورت حال کے تناظر میں پیش کیا گیا، جب کہ میں نے نواز شریف کی 90 کی دہائی کی سیاست کے حوالے سے ایک تبصرہ کیا تھا، مسلم لیگ (ن) کے لئے جتنی میں نے بات کی ہے اتنی تو ان کی قیادت نے بھی نہیں کی ہوگی، ہم پاکستان میں ہر سیاسی انتقام کے شکار کے ساتھ کھڑے ہیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔