سرفراز کی اپنی زندگی پر بننے والی فلم میں فہد مصطفیٰ کو ہیرو دیکھنے کی خواہش

ویب ڈیسک  منگل 3 مارچ 2020
فہد مصطفیٰ بہت اچھی اداکاری کرتے ہیں ، سرفراز احمد فوٹوفائل

فہد مصطفیٰ بہت اچھی اداکاری کرتے ہیں ، سرفراز احمد فوٹوفائل

کراچی: پاکستان کے سابق کپتان سرفراز احمد نے اپنی زندگی پر بننے والی فلم میں فہد مصطفیٰ کو ہیرو دیکھنے کی خواہش کا اظہار کیا ہے۔

اداکار فہد مصطفیٰ نے اپنےسوشل میڈیا اکاؤنٹ پر کوئٹہ گلیڈی ایٹرز کے کپتان سرفراز احمد کے حال ہی میں دئیے گئے انٹرویو کی ایک ویڈیو شیئر کرائی ہے جس میں سرفراز میزبان کی جانب سے پوچھے جانے والے سوالوں کے دلچسپ جوابات دیتے نظر آرہے ہیں۔

میزبان نے سرفراز سے پوچھا اگر آپ کی زندگی پر کبھی کوئی فلم بنے تو آپ کے خیال میں کون سا ہیرو ہے جو  فلم میں آپ کا کردار ادا کرسکتا ہے۔سرفراز نے کہا مجھے لگتا ہے فہد مصطفیٰ فلم میں میرا کردار ادا کرسکتے ہیں ۔ سرفراز نے وجہ بتاتے ہوئے کہا فہد مصطفیٰ بہت اچھی اداکاری کرتے ہیں اور بہت پر کشش بھی نظر آتے ہیں۔

فہد مصطفیٰ نے اس ویڈیو کو  ٹوئٹر پر شیئرکراتے ہوئے لکھا ’’ارے واہ، آپ کا بہت شکریہ سر آپ نے اس قابل سمجھا۔‘‘

https://twitter.com/fahadmustafa26/status/1234563270356406274

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔