اٹلی کے شہری کا کورونا وائرس سے بچاؤ کے لیے انوکھا اقدام

روم: اٹلی میں ایک شخص نے کورونا وائرس سے بچنے کے لیے ڈسک کی طرح کا 3 فٹ قطر کا گول بورڈ بنالیا جسے وہ گھر سے باہر نکلتے ہوئے پہن لیتا ہے تاکہ کوئی شخص اس سے نہ ٹکرائے۔

جیسے جیسے کورونا وائرس کا خوف بڑھتا جا رہا ہے ویسے ویسے کچھ لوگ اس مہلک وائرس سے بچنے کے لیے ایسے مضحکہ خیز طریقے اپنا رہے ہیں جس سے خوف کی فضا میں گھرے لوگوں کے چہرے پر مسکراہٹ بکھر جاتی ہے۔ چین کے بعد کورونا وائرس سے متاثر ہونے والے ملک اٹلی کی ایسی ہی ایک ویڈیو سماجی رابطے کی ویب سائٹ پر وائرل ہوگئی۔

Roma, mercato testaccio.#coronavirus #coronavirusitalia #11Marzo #iorestoacasa #restoacasa #chiuderetutto #COVID19 #roma #testaccio pic.twitter.com/wJBSf66Kyu

— L'Antikulturale (@Antikulturale) March 11, 2020

ویڈیو میں دیکھا جا سکتا ہے کہ ایک شخص گول بورڈ پہنے ہوئے اور ہاتھ میں چھڑی بھی تھامے ہوئے ہے۔ یہ گول بورڈ دائیں، بائیں یا آگے پیچھے سے آنے والے شخص کو 3 فٹ کی دوری پر رکھتا ہے اور اگر کوئی قریب آنے کی کوشش کرتا ہے تو وہ چھڑی سے اُسے دور کردیتا ہے اور اسی چھڑی کی مدد سے وہ خریدی ہوئی اشیا کو اُٹھا رہا ہے۔ شاپنگ مال میں موجود ایک شخص کے پوچھنے پر شہری نے بتایا کہ یہ اقدام کورونا وائرس سے بچنے کے لیے کیا ہے۔

عالمی ادارہ صحت نے چھینکنے اور کھانسنے والے شخص سے 3 فٹ کی دوری رکھنے کی ہدایت کی گئی ہے کیوں اتنے فاصلے سے کورونا وائرس دوسرے شخص کے جسم میں داخل نہیں ہوسکتا۔ اٹلی میں کی اکثریتی آبادی لاک ڈاؤن کا شکار ہے جہاں 2 ہزار کے قریب ہوگئی ہیں جب کہ 18 ہزار سے زائد افراد متاثر ہوئے ہیں۔