- ویمن ون ڈے سیریز؛ پاک ویسٹ انڈیز ٹیموں کا کراچی میں ٹریننگ سیشن
- محکمہ صحت پختونخوا نے بشریٰ بی بی کے طبی معائنے کی اجازت مانگ لی
- پختونخوا؛ طوفانی بارشوں میں 2 بچوں سمیت مزید 3 افراد جاں بحق، تعداد 46 ہوگئی
- امریکا کسی جارحانہ کارروائی میں ملوث نہیں، وزیر خارجہ
- پی آئی اے کا یورپی فلائٹ آپریشن کیلیے پیرس کو حب بنانے کا فیصلہ
- بیرون ملک ملازمت کی آڑ میں انسانی اسمگلنگ گینگ سرغنہ سمیت 4 ملزمان گرفتار
- پاکستان کےمیزائل پروگرام میں معاونت کا الزام، امریکا نے4 کمپنیوں پرپابندی لگا دی
- جرائم کی شرح میں اضافہ اور اداروں کی کارکردگی؟
- ضمنی انتخابات میں عوام کی سہولت کیلیے مانیٹرنگ اینڈ کنٹرول سینٹر قائم
- وزیرداخلہ سے ایرانی سفیر کی ملاقات، صدررئیسی کے دورے سے متعلق تبادلہ خیال
- پختونخوا؛ صحت کارڈ پر دوائیں نہ ملنے پر معطل کیے گئے 15 ڈاکٹرز بحال
- لاہور؛ پولیس مقابلے میں 2 ڈاکو مارے گئے، ایک اہل کار شہید دوسرا زخمی
- پختونخوا؛ مسلسل بارشوں کی وجہ سے کئی اضلاع میں 30 اپریل تک طبی ایمرجنسی نافذ
- پختونخوا؛ سرکاری اسکولوں میں کتب کی عدم فراہمی، تعلیمی سرگرمیاں معطل
- موٹر وے پولیس کی کارروائی، کروڑوں روپے مالیت کی منشیات برآمد
- شمالی کوریا کا کروز میزائل لیجانے والے غیرمعمولی طورپربڑے وارہیڈ کا تجربہ
- پاکستان اور نیوزی لینڈ کے درمیان دوسرا ٹی20 آج کھیلا جائے گا
- بابر کو ماضی کی غلطیوں سے سبق سیکھنے کا مشورہ
- موبائل فون صارفین کی تعداد میں 37 لاکھ کی ریکارڈ کمی
- گیلپ پاکستان سروے، 84 فیصد عوام ٹیکس دینے کے حامی
بنگلہ دیش میں ہندو پجاری کے قاتل چار افرادکو سزائے موت
بنگلہ دیش کی عدالت نے اگلے روز مقامی انتہا پسند تنظیم کے چار ارکان کو ایک کمیونل فساد کے دوران اہم معروف ہندو پجاری کو قتل کرنے کے الزام میں سزائے موت سنا دی ، سزائے موت پانے والوں پر الزام تھا کہ 2016میں اقلیتوں کے خلاف حملوں کے دوران انھوں نے ایک معروف ہندو پجاری کا سر قلم کر دیا تھا۔ انتہا پسندی اس وقت عالمی ایشو بن چکی ہے بالخصوص جنوبی ایشیا کا خطہ جس میں پاکستان‘ افغانستان‘ ہندوستان اور بنگلہ دیش شامل ہیں، انتہا پسندی سے زیادہ متاثر ہو رہے ہیں۔ پاکستان نے انتہا پسندی پر قابو پانے کے لیے ریاستی سطح پر جنگ لڑی اور دہشت گردوں کے مضبوط ٹھکانوں اور اڈوں کا خاتمہ کیا۔ پاکستان میں دہشت گردی میں ملوث دہشت گردوں کو سزائیں سنائیں۔
دہشت گردوں اور ایسے انتہا پسندوں کا کوئی مذہب نہیں ہوتا، جو بے گناہوں کو قتل کرتے ہیں۔ اس وقت بھارت میں ریاستی سطح پر مسلمانوں کے خلاف انتہا پسند ہندوؤں کی کارروائیوں کی پشت پناہی کی جا رہی ہے، انتہا پسند ہندو مسلمانوں پر حملے کر کے انھیں نقصان پہنچا رہے ہیں‘ گزشتہ دنوں دہلی میں انتہا پسند ہندوؤں نے ریاستی سرپرستی میں مسلمانوں پر حملے کیے‘ ان کے گھروں اور دکانوں کو آگ لگائی۔ انتہا پسندی ہمیشہ معاشرے میں بے چینی‘ اضطراب پیدا کرتی جوکسی بھی ملک کی سلامتی اور امن کے لیے نقصان دہ ثابت ہوتی ہے۔
کسی بھی ملک یا معاشرے میں مختلف مذاہب اور مسالک کے لوگ تب ہی پرامن طریقے سے رہ سکتے ہیں جب ایک دوسرے کے بارے میں رواداری اور برداشت کا رویہ اپنایا جائے۔ ریاست کا فرض ہے کہ وہ بلا امتیاز رنگ، نسل، زبان ، قومیت یا مذہب کے اپنے شہریوں کی جان، مال اورعزت وآبرو کا تحفظ کرے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔